كەنت ئاھالىسى ئەن دۇڭلىن 8-ئاينىڭ 7-كۈنى خېرىدارلار زاكاز قىلغان توقاچ شاپتۇلنى ئۈزمەكتە.
ئۆز خەۋىرىمىز: ساۋەن ناھىيەسى سىداۋخۇزا بازىرىنىڭ شاباخۇ كەنتى قۇربانتوڭغۇت قۇملۇقىنىڭ چېتىغا جايلاشقان بولۇپ، ئەتىگەن ۋە كەچنىڭ تېمپېراتۇرا پەرقى چوڭ، كۈن چۈشۈش ۋاقتى ئۇزۇن بولغانلىقتىن، بۇ يەردىكى شاپتۇللارنىڭ قەنت مىقدارى ناھايىتى يۇقىرى بولۇپ، سېتىلىشى ياخشى بولغان شۇنداقلا خۇنەن قاتارلىق جايلارغا سېتىلغان. ئىگىلىنىشىچە، كەنت ئاھالىسى ئەن دۇڭلىننىڭ 20 مو شاپتۇللىقىدىن ئۈچ توننا ئەتراپىدا ھوسۇل ئېلىنغان بولۇپ، ئەڭ چوڭ توقاچ شاپتۇلنىڭ ئېغىرلىقى 400 گىرام كېلىدىكەن.