خەلق تورى، چۇڭچىڭ، 8-ئاينىڭ 13-كۈنى تېلېگراممىسى: مۇخبىرنىڭ 8-ئاينىڭ 12-كۈنى چۇڭچىڭ شەھەرلىك مۇزېيدىن ئىگىلىشىچە، بېيبېي رايونى ليۇيىڭ بازىرى خېشىن كەنتىدىكى بىر ئىپتىدائىي سىرلىق ئۆڭكۈرنىڭ چوڭقۇر جايىدىن يېقىندا تەتۈر ئېسىپ قويغاندەك كۆرۈنىدىغان ستالاكتىتتىن باشقا يەنە نۇرغۇن ھايۋانلارنىڭ تاشقاتمىسى بايقالغان.
مۇزېيدىكى ئالاقىدار خادىمنىڭ تونۇشتۇرۇشىچە، ئۆڭكۈرنىڭ ئىچكى قىسمىدىكى ھايۋانلارنىڭ تاشقاتمىسىنى باھالىغاندىن كېيىن، ئۇلارنىڭ شەرق شەمشەر چىشلىق پىلى، قوش مۈڭگۈزلۈك كەركىدان، كالا، سۇماترا بۆكىنى، قوڭۇر بۇغا، ئېيىق، ياۋا توڭگۇز، جەيرە، تاپىر ۋە مۈشۈكئېيىق، كىلىماتى تىپىك شەمشەر چىشلىق پىل-مۈشۈكئېيىق قاتارلىق ھايۋانلار توپى ئىكەنلىكى ئېنىقلانغان.
ئىگىلىنىشىچە، ئۆڭكۈردىكى ھايۋانلارنىڭ تاشقاتما ئىچكى قۇرۇلمىسىنى يەنىمۇ بىر قەدەم ئىلگىرلىگەن ھالدا چۈشىنىش ئۈچۈن، چۇڭچىڭ شەھىرىدىكى كەسپىي خادىملار يەنىمۇ ئىچكىرلەپ تەكشۈرۈشنى قانات يايدۇرۇۋېتىپتۇ.