ئۈرۈمچى كەچلىك گېزىتى خەۋىرى: ئۈرۈمچى شەھەرلىك ساياھەت ئىدارىسىنىڭ 8-ئاينىڭ 9-كۈنى ئېلان قىلغان سانلىق مەلۇماتىدا كۆرسىتىلىشىچە، ئالدىنقى يەتتە ئايدا، ئۈرۈمچى شەھىرىنىڭ جەمئىي كۈتۈۋالغان ساياھەتچى سانى 28 مىليون 805 مىڭ 300 ئادەم (قېتىم) بولغان، بۇنىڭ ئىچىدە، 7-ئايدا ئۈرۈمچى شەھىرىنىڭ جەمئىي كۈتۈۋالغان ساياھەتچى سانى 8 مىليون 800 مىڭ ئادەم (قېتىم) گە يېتىپ، ساياھەتچىلەرنى كۈتۈۋېلىش مىقدارى زور دەرىجىدە ئاشقان.
ئۈرۈمچى شەھەرلىك ساياھەت ئىدارىسىنىڭ ئېلان قىلغان سانلىق مەلۇماتىدا كۆرسىتىلىشىچە، بۇ يىل 1-ئايدىن 7-ئايغىچە بولغان مەزگىلدە ئۈرۈمچى شەھىرى جەمئىي كۈتۈۋالغان ساياھەتچى سانى 28 مىليون 805 مىڭ 300 ئادەم (قېتىم) بولۇپ، بۇلتۇرقى ئوخشاش مەزگىلدىكىدىن ％34.04 ئاشقان؛ ساياھەت ئومۇمىي كىرىمى 33 مىليارد 400 مىليون يۈەنگە يېتىپ، بۇلتۇرقى ئوخشاش مەزگىلدىكىدىن %33.79 ئاشقان. بۇنىڭ ئىچىدە كۈتۈۋالغان دۆلەت ئىچىدىكى كېچىدە قونىدىغان ساياھەتچىلەرنىڭ سانى 10 مىليون 46 مىڭ ئادەم (قېتىم) بولۇپ، بۇلتۇرقى ئوخشاش مەزگىلدىكىدىن %29.87 ئاشقان؛ كۈتۈۋالغان بىر كۈنلۈك ساياھەت تۈرى بويىچە ساياھەت قىلغانلارنىڭ سانى 18 مىليون617 مىڭ 200 ئادەم (قېتىم) بولۇپ، بۇلتۇرقى ئوخشاش مەزگىلدىكىدىن %36.74 ئاشقان؛ كۈتۈۋالغان چېگرادىن كىرگەن ساياھەتچىلەرنىڭ سانى 142 مىڭ 100 ئادەم (قېتىم) بولۇپ، بۇلتۇرقى ئوخشاش مەزگىلدىكىدىن %2.04 ئاشقان؛ ياراتقان تاشقى پېرېۋوت 465 مىليون يۈەن بولۇپ، بۇلتۇرقى ئوخشاش مەزگىلدىكىدىن ％2.14 ئاشقان.
