8-ئاينىڭ 6-كۈنى، ئىككى لەيلىلىك تۇرنا باركۆل ناھىيەسىدىكى يايلاقتا يېمەكلىك ئىزدىمەكتە.
تىيانشان تورى ئىختىيارى مۇخبىرىمىز داۋۇت رىشات خەۋىرى، فوتوسى: باركۆل چوڭ يايلىقى شىنجاڭدىكى ئۈچ چوڭ يايلاقنىڭ بىرى، شۇنداقلا ئىچكى قۇرۇقلۇق پەسىل قۇشلىرىنىڭ كۆچۈش يولىدىكى مۇھىم بېكىتى ۋە ماكانى. يېقىنقى يىللاردىن بۇيان، يەرلىك ھۆكۈمەت كۆپ خىل تەدبىر قوللىنىپ، يايلاق ۋە سۇلۇق يەرلەرنى ئەسلىگە كەلتۈرۈش خاراكتېرلىك قوغدىدى، ئېكولوگىيەلىك مۇھىتمۇ ئومۇميۈزلۈك ياخشىلاندى ۋە ئەسلىگە كەلدى. ھازىر باركۆلنىڭ ئاسمىنى كۆك، سۈيى سۈزۈك، يايلىقى يېشىل بولۇپ، كىشىگە راھەت بېغىشلايدۇ، گۈزەل ئېكولوگىيەلىك مەنزىرە باركۆلنىڭ ھەممىلا يېرىدە جىلۋە قىلىپ تۇرىدۇ.
