تورىمىز خەۋىرى: ئارقا سۇپا كومپيۇتېر سىستېمىسىنىڭ كونتروللىقى ئارقىلىق، ئۇچۇشنى مەشىقلەندۈرۈش يېتەكچىسى قار، تۇمان، گۈلدۈرمامىلىق يامغۇر قاتارلىق ھەر خىل ھاۋا رايى كۆرۈنۈشىنى ھەر ۋاقىت ئالماشتۇرالايدۇ. . . 8-ئاينىڭ 6-كۈنى شىنجاڭ بويىچە تۇنجى تەقلىدىي ئۇچۇش مەشىق مەركىزى ئۈرۈمچى ئىقتىساد-تېخنىكا تەرەققىيات رايونى (تۇدۇڭخابا رايونى ) دا رەسمىي ئىشقا كىرىشتۈرۈلدى .
سۈرەتتە: تەقلىدىي ئۇچۇش مەشىق بۆلمىسىنىڭ ئارقا سۇپىسىدىكى كونترول قىلىش ئۆيى.
يۈشياڭ ئاۋىياتسىيە ئۇچۇش بويىچە تەربىيەلەش چەكلىك شىركىتىنىڭ باش مۇدىرى جېڭ گاڭ تونۇشتۇرۇپ مۇنداق دېدى: بۇ تەربىيەلەش مەركىزى جەنۇب ئاۋىياتسىيە شىنجاڭ شۆبە شىركىتى بىلەن يۈشياڭ ئاۋىياتسىيە ئۇچۇش بويىچە مەشىقلەندۈرۈش چەكلىك شىركىتىنىڭ تۈرى بولۇپ، مەشىق مەركىزى 2017-يىلى 7-ئايدا قۇرۇلغاندىن بۇيان، ئىلگىرى-كېيىن بولۇپ كانادا CAE شىركىتى ئىشلەپچىقارغان بوئىن 800-737 (ئەڭ يېڭى تىپتىكى) تەقلىدىي مەشىق ئايروپىلانىدىن ئىككىنى كىرگۈزگەن.
جەنۇب ئاۋىياتسىيە شىنجاڭ شۆبە شىركىتىنىڭ مۇئاۋىن باش دىرېكتورى خوۋ جۈنشۆ مۇنداق دېدى: جەنۇب ئاۋىياتسىيە شىنجاڭ شۆبە شىركىتىدە ھازىر بوئىن 737 تىپلىق ئايروپىلان ئۇچقۇچىسىدىن 435 ى بار بولۇپ تەربىيەلەش ئېھتىياجى زور، يۇقىرى ئىقتىدارلىق تەقلىدىي مەشىق مەركىزىنىڭ قۇرۇلۇشى ھەر خىل ئۇچۇش مەشىق تۈرىنى يۇقىرى ئۈنۈم بىلەن تاماملاپ، ئادەم كۈچىنى تەربىيەلەش تەننەرخى ۋە ۋاقىت بويىچە تەربىيىلەش تەننەرخىنى تېجەيدۇ. ئۇچۇش بويىچە تەربىيەلەش مەركىزىنى ھېسابقا ئالمىغاندا، ئۈرۈمچىدىكى جەنۇب ئاۋىياتسىيەسى مۇستەقىل قۇرغان ئايروپىلان ئۇنىۋېرسال مەشىق مەركىزىدىمۇ بۇ يىل 7-ئايدا ئىش باشلاندى. پۈتكەندىن كېيىن ھەر يىلى800~1000 غىچە يىڭى ئايروپىلان مۇلازىمەتچىسى، بوشلۇقتا ئامانلىق ساقلاش خادىمىنىڭ كەسپلەر بويىچە تەربىيەلىنىش ئېھتىياجىنى، غەربىي شىمال رايونى بويىچە 3000 نەپەر ئايروپىلان خادىمىنىڭ قايتا تەربىيەلىنىش ئېھتىياجىنى، شۇنداقلا ئۇنىۋېرسال كەسپىي تۈرى بويىچە 1300 ئادەم قېتىم ئوقۇغۇچىنىڭ تەربىيەلىنىش ئېھتىياجىنى قاندۇرىدۇ.
