ئىختىيارىي مۇخبىرىمىز ئالىمجان خەۋىرى، فوتوسى: 7-ئاينىڭ 18-كۈنى قارا شەھەر ناھىيەسى ئۇرۇقچىلىق مەيدانى 6-گۇرۇپپىسىنىڭ ئەزاسى شې يۈەنخۇا خۇشال ھالدا مۇنداق دېدى: «نۆۋەتتە، كاشتان ۋە كاۋىنىڭ ئۆسۈشى ئىنتايىن ياخشى بولۇۋاتىدۇ، مۆلچەرىمچە 8-ئايدا ھوسۇل ئالالايمەن».
تونۇشتۇرۇلۇشىچە، بۇ يىل قارا شەھەر ناھىيەسى بايلىق ۋە ئورۇن ئەۋزەللىكىدىن پايدىلىنىپ، تېرىقچىلىق قۇرۇلمىسىنى تەڭشەش سالمىقىنى ئۈزلۈكسىز ئاشۇرۇپ، ئۆزگىچە تېرىقچىلىق ۋە زاكازلىق يېزا ئىگىلىكىنى زور كۈچ بىلەن راۋاجلاندۇرۇپ، 800 مو يەرگە كاشتان ۋە كاۋا تېرىدى. كاشتان ۋە كاۋىنىڭ تېرىش تەننەرخى تۆۋەن، ئىقتىسادىي ئۈنۈمى كۆرۈنەرلىك بولۇپ، دېھقانلارنىڭ كىرىمىنى ئاشۇرۇپ، بېيىشى ئۈچۈن يېڭى يول ئچىپ بەردى.