مەركىزىي ھەربىي كومىتېتنىڭ رەئىسى شى جىنپىڭ ئۈچ شەخسنى خىزمەت كۆرسەتتى، دەپ ئەنگە ئېلىش توغرىسىدا ئومۇمىي بۇيرۇق ئىمزالىدى

   شىنخۇا ئاگېنتلىقى، بېيجىڭ، 7–ئاينىڭ 19–كۈنى تېلېگراممىسى. مەركىزىي ھەربىي كومىتېتنىڭ رەئىسى شى جىنپىڭ يېقىندا ئۈچ شەخسنى خىزمەت كۆرسەتتى، دەپ ئەنگە ئېلىش توغرىسىدا ئومۇمىي بۇيرۇق ئىمزالىدى.

   دېڭىز ئارمىيەسى قۇرۇلۇش داشۆسى مەلۇم تەتقىقات ئورنىنىڭ باشلىقى، پىروفېسسور شياۋ فېي 1–دەرىجىلىك خىزمەت كۆرسەتتى، دەپ ئەنگە ئېلىندى.

   سابىق 2–ھەربىي تېببىي داشۆسى ئاساسىي بۆلۈم ئىسسىق بەلباغ تېبابەتچىلىكى تەتقىقات ئىشخانىسىنىڭ مۇدىرى، پىروفېسسور پەن ۋېيچىڭ، راكېتا قىسىمى سابىق قورال–ياراغ تەتقىقات ئورنىنىڭ باش ئىنژېنېرى، قوشۇمچە تەتقىقاتچى شياۋ لۇڭشۈ 3–دەرىجىلىك خىزمەت كۆرسەتتى، دەپ ئەنگە ئېلىندى.