ئۆز خەۋىرىمىز: قايتا ئۆزگەرتىپ ئىشلەنگەن تارباغاتاي ۋىلايىتىنىڭ يەرلىك ناخشا-ئۇسسۇللۇق تىياتىرى «يۇرت مۇھەببىتى» 7-ئاينىڭ 14-كۈنى تۇنجى قېتىم ئورۇندالدى، بۇ قېتىمقى ئويۇن جەمئىي 400 دىن ئارتۇق ھەر مىللەت تاماشىبىنلارنى نەق مەيدانغا بېرىپ ئويۇن كۆرۈشكە جەلپ قىلدى.
ئىگىلىنىشىچە، «يۇرت مۇھەببىتى» تارباغاتاي ۋىلايىتىنىڭ تۇنجى ناخشا-ئۇسسۇللۇق تىياتىرى ئىكەن؛ بۇ تىياتىردا قولۇم-قوشنىلار ۋە دوستلارنىڭ ئالتۇن تويغا قەدەم قويغان بىر جۈپ بوۋاي-مومايغا بەخت تىلىگەن ھېكايە ۋەقەلىكى تەسۋىرلەنگەن؛ بۇ تىياتىر ھەر قايسى مىللەتلەرنىڭ ئۆزگىچە ئالاھىدىلىكى ۋە ئۆزئارا يۇغۇرۇلغان مۇزىكا ۋە ئۇسسۇل ئامىللىرىدىن پايدىلىنىپ، تارباغاتاي ۋىلايىتىدىكى ھەر مىللەت ئاممىنىڭ ئىناق، بىر ئائىلە كىشىلىرىدەك قان بىلەن گۆشتەك چوڭقۇر دوستلۇقىنى نامايان قىلغان.