تەڭرىتاغ تورى   ›   خەۋەر مەركىزى   ›   شىنجاڭ

ئۈرۈمچى-سانجى يولى تۇدۇڭخابا چوڭ كۆۋرۈكى «جۇڭگو پولات قۇرۇلما ئالتۇن ‏مۇكاپاتى» غا ئېرىشتى

  شىنجاڭ ئىقتىساد گېزىتى مۇخبىرى ۋاڭ يۈجاۋ، ئىختىيارىي مۇخبىرى لۇ جىڭرەن خەۋىرى. مۇخبىرنىڭ 7-ئاينىڭ 6-كۈنى شىنجاڭ بېيشىن يول-كۆۋرۈك گۇرۇھى شىنجاڭ تاشيول قۇرۇلۇشى ئىشلىرى بۆلۈمىدىن ئىگىلىشىچە، يېقىندا جۇڭگو بىناكارلىق مېتال قۇرۇلما جەمئىيىتى ئۇيۇشتۇرغان 13-نۆۋەتلىك «جۇڭگو پولات قۇرۇلما ئالتۇن مۇكاپاتى» قۇرۇلۇشىنى باھالاشتا مۇكاپاتقا ئېرىشكەنلەر تىزىملىكى ئېلان قىلىنغان، بېيشىن يول-كۆۋرۈك گۇرۇھى شىنجاڭ تاشيول قۇرۇلۇشى ئىشلىرى بۆلۈمى ھۆددىگە ئالغان ئۈرۈمچى-سانجى يولى تۇدۇڭخابا چوڭ كۆۋرۈكى تۈرى «جۇڭگو پولات قۇرۇلما ئالتۇن مۇكاپاتى» غا ئېرىشكەن.

  ئىگىلىنىشىچە، «جۇڭگو پولات قۇرۇلما ئالتۇن مۇكاپاتى» مەملىكەت بويىچە پولات قۇرۇلما قۇرۇلۇشى ساھەسىدىكى ئەڭ ئالىي سۈپەت مۇكاپاتى ئىكەن. باھالاش ئوبيېكتلىرى مەملىكىتىمىزدىكى بىناكارلىق پولات قۇرۇلما ياسىمىچىلىقى، قۇراشتۇرۇش بىلەن شۇغۇللىنىدىغان كارخانىلار ھۆددىگە ئالغان تۈرلۈك بىناكارلىق پولات قۇرۇلما قۇرۇلۇشلىرى بولۇپ، مۇكاپاتقا ئېرىشكەن قۇرۇلۇشلارنىڭ سۈپىتى مەملىكىتىمىزدىكى ئىلغار سەۋىيەلەرگە ۋەكىللىك قىلالايدۇ.

  بۇ قېتىم مۇكاپاتقا ئېرىشكەن ئۈرۈمچى-سانجى يولى تۇدۇڭخابا چوڭ كۆۋرۈكى شىنجاڭ بويىچە تۇنجى قوش قەۋەتلىك پولات لىملىق، ئۈرۈمچى شەھىرى بىلەن سانجى شەھىرىنى تۇتاشتۇرىدىغان كۆۋرۈك بولۇپ، 2016-يىلى 9-ئايدا قۇرۇلۇش باشلانغان.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • بارلۇق تېغىنىڭ يازدىكى سۈرەتتەك گۈزەل مەنزىرىسى
  • سايرام كۆلىنىڭ قۇياش كۆتۈرۈلگەندىكى گۈزەل مەنزىرىسى
  • قوبۇقسار ناھىيەسىنىڭ يازدىكى مەنزىرىسى كىشى قەلبىنى رام قىلىدۇ
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى