7- ئاينىڭ 5-كۈنى، جياڭشى ئۆلكىسى جىنشيەن ناھىيەسىنىڭ لوشى بازىرىدا نېلۇپەر گۈللىرىنىڭ ھىدى مەيىن شامالدا ئەتراپقا تارىدى، 2000 مو كۆلەمدىكى پورەكلەپ ئېچىلغان نېلۇپەر گۈللىرى ساياھەتچىلەرنى جەلپ قىلدى.
شىنخۇا تورى خەۋىرى: 2018-يىللىق جياڭشى ئۆلكىسى جىنشيەن ناھىيەسى يېزا ئۇنىۋېرسال گەۋدىسى تۈرىنى تونۇشتۇرۇش يىغىنى ۋە 2-نۆۋەتلىك لوشى نېلۇپەر بايرىمى 7-ئاينىڭ 5-كۈنى باشلاندى. تونۇشتۇرۇلۇشىچە، لوشى نېلۇپەرزارلىقىغا 26 مىليون يۈەن مەبلەغ سېلىنغان بولۇپ، ئىگىلىگەن كۆلىمى 2000 مو، ياسالغان ساياھەتچىلەر سەيلە يولى 650 مېتىر، نەنچاڭ شەھىرىدىكى كۆلىمى ئەڭ چوڭ، ساياھەتچىلەر سەيلە يولى ئەڭ ئۇزۇن بولغان ساپ ئويۇن-تاماشىلىق نېلۇپەر بازىسى ھېسابلىنىدىكەن.
