جۇڭگو ئاخبارات تورى، 7-ئاينىڭ 3-كۈنى تېلېگراممىسى: چەت ئەل تاراتقۇلىرىنىڭ خەۋىرىگە قارىغاندا، شۇ جاي ۋاقتى 6-ئاينىڭ 30-كۈنى نەپىس توي كۆينەكلىرىنى كىيگەن رۇسىيەلىك قىزلار رۇسىيە دۇنيا لوڭقىسى پۇتبول مۇسابىقىسىنى باش بولۇپ ئۇيۇشتۇرغان شەھەر قازاندا پۇخادىن چىققۇچە بىر مەيدان دوستلۇق پۇتبول مۇسابىقىسى ئويناپ، بۇ تەنھەرىكەتكە بولغان قىزغىنلىقىنى بىلدۈرگەن.
شۇ كۈنى «كېلىنچەكلەر» ئۈستىگە توي كۆينىكى، پۇتىغا تەنھەرىكەت ئايىغى كىيىپ، پۇتبول مەيدانىغا كېلىپ، بەش گۇرۇپپىغا بۆلۈنۈپ مۇسابىقىلەشكەن.
مۇسابىقىگە قاتناشقان گۈناز سالىبوۋ: «ناھايىتى چىرايلىق ياساندۇق، ئەمما بىئارام بولدۇق» دېگەن. ئىگىلىنىشىچە، ئىلگىرى ئۇ ئەزەلدىن توپ تېپىپ باقمىغان ئىكەن، ئەمما بۇ قېتىملىق مۇسابىقىسىدە ئۇ تەۋە كوماندا مۇسابىقىدە يېڭىۋالغان.
بىر كوماندىنىڭ ۋاراتارسى ماريانا رازنوگرىسكايس: «بۇ پەقەت ئەرلەرگە خاس تەنھەرىكەت ئەمەس، ئەڭ مۇھىمى دوستلۇق ۋە ئىتتىپاقلىق» دېگەن.
خەۋەر قىلىنىشىچە، مۇسابىقىدە ئەڭ ئاخىرىدا يېڭىپ چىققان كوماندا «دۇنيا لوڭقىسى» مۇكاپاتىغا ئېرىشىدىكەن، ئەلۋەتتە بۇ مۇكاپات لوڭقىسى گۈل دەستىدە ياسالغان ئىكەن.
2018-يىلى رۇسىيە تارىختىن بۇيان تۇنجى قېتىم دۇنيا لوڭقىسى پۇتبول مۇسابىقىسىنى باش بولۇپ ئۇيۇشتۇردى. پۇتبول مۇسابىقىسى 6-ئاينىڭ 14-كۈنىدىن 7-ئاينىڭ 15-كۈنىگىچە رۇسىيەنىڭ 11 شەھىرىدىكى 12 تەنھەرىكەت مەيدانىدا ئۆتكۈزۈلىدۇ.
