شەھەر ئىستېمالى سەھەر گېزىتى (مۇخبىر يۈ مېڭفەن) خەۋىرى. ئۈچ ئاي قۇرۇلۇش قىلىش ئارقىلىق، سۇ ئۈستى باغچىسىنى ئۆزگەرتىپ دەرىجىسىنى يۇقىرى كۆتۈرۈش تۈرى ئاساسەن تاماملاندى، ئۈرۈمچى سۇ ئۈستى باغچىسى 7-ئاينىڭ 1-كۈنى قايتا ئېچىلدى.
بۇ يىل ئەتىيازدىن باشلاپ، سۇ ئۈستى باغچىسى باغچا ئىچىدىكى ئاساسىي ئەسلىھەلەرنى، رايون مەنزىرىسى ھەمدە ئويۇن ئەسلىھەلىرىنى ئورۇنلاشتۇرۇش قاتارلىقلارنى يېپىق ھالەتتە قۇرۇلۇش قىلىپ ئۆزگەرتتى. باغچىدىكى ئويۇن ئەسلىھەلىرىنى ئومۇميۈزلۈك بىخەتەرلىك بويىچە تەكشۈردى ۋە ئاسرىدى.
دېڭىز-ئوكيان بېلىق تۈرىنى ياخشى كۆرىدىغان شەھەر ئاھالىلىرى سۇ ئۈستى باغچىسىدىكى ئۈرۈمچى دېڭىز-ئوكيان سارىيىغا بېرىپ تاماشا قىلسا بولىدۇ، دېڭىز-ئوكيان سارىيىدىكى دېڭىز-ئوكيان بېلىق تۈرى 200 دىن ئاشىدۇ، ئاساسلىقى ئامازون دەرياسى ۋادىسىدىكى ھەر خىل چوڭ بېلىقلار، يەنە تېيىز دېڭىز رايونىدىكى مارجان، مارجان بېلىقى قاتارلىقلار بار. بۇنىڭدىن سىرت، ھەر كۈنى ئۈچ مەيدان سۇ پەرىسى ئويۇنى، ئۈچ مەيدان دېڭىز شىرى، دېڭىز يىلپىزى ئويۇنى قويۇلىدۇ.
سۇ ئۈستى باغچىسىدا ئاپتوموبىل توختىتىش مۇلازىمىتى تەمىنلەنمەيدۇ، ئۈچتاش ئەتراپىدا ئاپتوموبىل توختىتىشمۇ قولايسىز بولغانلىقتىن، شەھەر ئاھالىلىرى ئاممىۋى قاتناشقا ئولتۇرۇپ بارسا بولىدۇ.