چىڭخەي مىللىي مەدەنىيەت سەنئەت كۆرگەزمىسى برازىلىيەدە ئۆتكۈزۈلدى

    خەلق تورى، رىئودى ژانېيرو، 6-ئاينىڭ 29-كۈنى تېلېگراممىسى. «جۇڭگونى ھېس قىلىش، گۈزەل چىڭخەي» تېمىسىدىكى مەدەنىيەت سەنئەت كۆرگەزمە پائالىيىتى برازىلىيەنىڭ رىئودى ژانېيرودا ئۆتكۈزۈلدى، بۇ قېتىمقى پائالىيەتتە 200 دىن ئارتۇق سۈرەت، شىزاڭنىڭ 20 دىن ئارتۇق يۆگىمە رەسىمى ھەمدە ھۆججەتلىك فىلىملىرى كۆرگەزمە قىلىندى، بىر نەچچە سەنئەتكار نەق مەيداندا قويۇق مىللىيچە ئالاھىدىلىككە ئىگە ناخشىلارنى ئېيتىپ ۋە ئۇسسۇل ئويناپ، چىڭخەينىڭ ئۆزگىچە ئالاھىدىلىككە ئىگە تەبىئىي مەنزىرىسى، مىللىي ئۆرپ-ئادىتى ۋە مول تارىخىي مەدەنىيىتىنى مەركەزلىك نامايان قىلدى.

   بۇ قېتىمقى كۆرگەزمە سەنئەت پائالىيىتىنى چىڭخەي ئۆلكىلىك ھۆكۈمەت ئاخبارات ئىشخانىسى ئۇيۇشتۇرغان بولۇپ، رىئودې ژانېيرودىن باشقا، يەنە پېرۇنىڭ لىما ۋە ئارگېنتىنانىڭ بوينىس ئايرىستا ئۆتكۈزۈلىدىكەن.