كىيىمدىكى داغلارنى قانداق چىقىرىش كېرەك؟
ئاق ئاچچىقسۇ
ئاق كوپتىنىڭ ياقىسى ئاسانلا سارغىيىپ قالىدۇ، كىر يۇيۇش پاراشوكى بىلەن ئۇۋۇلاپ يۇيسىمۇ پاكىز چىقىرىۋەتكىلى بولمايدۇ. بەزىدە كىيىملەرنىڭ ئىشكابتا تۇرغان ۋاقتى ئۇزىراپ كەتسىمۇ، كونىراپ كەتكەندەك كۆرۈنىدۇ.
سارغىيىپ قالغان كىيىمنى، كىر يۇيۇش سۇيۇقلۇقى بىلەن ئاق ئاچچىقسۇ ئارىلاشتۇرۇلغان سۇغا 10 مىنۇت چىلاپ قويىمىز.
ئارقىدىن يۇيۇۋەتسەك كىيىم ئەسلىدىكى ئاق ھالەتكە كېلىدۇ.
لىمون
بەزى جاھىل كىرلارنى كىر يۇيۇش پاراشوكى بىلەن ھەر قانچە يۇيسىمۇ پاكىز چىقارغىلى بولمايدۇ. بۇ ۋاقىتتا لىموننىڭ كىر چىقىرىش رولىدىن پايدىلىنىشقا بولىدۇ.
لىموننى پارچىلاپ سۇ قويۇپ قاينىتىپ، ئاندىن بۇ سۇغا كىيىمنى سېلىپ 15 مىنۇت چىلاپ قويىمىز.
بۇنداق قىلغاندا كىيىمدىكى داغلار پاكىز چىقىپ كېتىدۇ.
تۇز
تۇزنىڭ كۈچلۈك تازىلاش رولىمۇ بار. بولۇپمۇ ماينى چىقىرىش رولى ئىنتايىن كۈچلۈك.
تۇزنى ماي تېمىپ قالغان ئورۇنغا سۈرۈپ، تۇزنىڭ ماينى سۈمۈرۈۋېلىشىنى ساقلايمىز، ئارقىدىن چوتكىلاپ چىقىرىۋەتسەكلا كىيىمگە يۇقۇپ قالغان ماي پاكىز چىقىپ كېتىدۇ.
سۈت
ئوقۇغۇچىلار ۋە خىزمەتچىلەر دائىم قەلەمنىڭ رېڭىنى كىيىمىگە يۇقتۇرىۋالىدۇ. بۇنداق ئەھۋالغا يولۇققاندا سۈتنىڭ رولىدىن ئۈنۈملۈك پايدىلىنىش كېرەك.
سۈتنى قاينىتىپ بولۇپ، پىلتىگۈچنى سۈتكە چىلاپ ئاندىن كىيمدىكى قەلەم ئىزىنى تازىلايمىز.
قاچا يۇيۇش سۇيۇقلۇقى
قاچا يۇيۇش سۇيۇقلۇقىنىڭ ماي دېغىنى ئېمولسىيىلەشتۈرۈش (乳化) رولى بار بولۇپ، ئۈنۈمى كىر يۇيۇش سۇيۇقلۇقىدىن خېلىلا يۇقىرى.
قاچا يۇيۇش سۇيۇقلۇقىنى كىيىمدىكى سارغىيىپ قالغان ئورۇنغا سۈرۈپ، ئۇۋۇلاپ بەرسە سېرىق داغلار چىقىپ كېتىدۇ.
تۇخۇم
كىيىمگە سېغىز چاپلىشىپ قالسا، تۇخۇم ئىشلىتىپ سىناپ بېقىڭ.
تۇخۇم ئېقىنى سېغىز چاپلىشىپ قالغان ئورۇنغا سۈرىمىز.
بۇنىڭدى سىرت، تۇخۇم شاكىلى چىلانغان ئىسسىق سۇغا سېغىز چاپلىشىپ قالغان كىيىمنى سېلىپ يۇيسا سېغىز قالدۇقلىرى پاكىز چىقىپ كېتىدۇ، كىيىممۇ ئاقىرىدۇ.
چىش پاستىسى
چىش پاستىسىنىڭ ماي ۋە داغلارنى چىقىرىش رولى بار.
كىيىمدىكى ماي دېغى بار ئورۇنغا ئازراق چىش پاستىسىنى سۈركەپ ئۇۋۇلايمىز.
كىيىملەردىكى چاي دېغى، قەھۋە دېغىنىمۇ بۇ ئۇسۇل بىلەن پاكىز چىقىرىۋەتكىلى بولىدۇ.
