6 – ئاينىڭ 18 – كۈنى، دېھقانلار ياڭيۇلارنى يەشىكلەرگە قاچىلاپ سىرتقا توشۇپ سېتىشقا تەييارلىق قىلماقتا. رېن لىيىڭ فوتوسى
شىنجاڭ گېزىتى خەۋىرى: يوپۇغا ناھىيەسىنىڭ يوپۇغا بازىرى بۇ يىل ئاممىنى 524 مو ياڭيۇ تېرىشقا يېتەكلىدى، ھازىر ياڭيۇدىن مول ھوسۇل ئېلىندى. يوپۇغا ناھىيەسى ئاپتونوم رايونلۇق سودا نازارىتىنىڭ ‹‹ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش›› بويىچە كەنتتە تۇرۇشلۇق خىزمەت ئەترىتىنىڭ ئەۋزەللىكىنى تولۇق جارى قىلدۇرۇپ، ‹‹غەربىي دىيار رىۋايىتى›› ئېلېكتىرونلۇق سودا تور شىركىتى بىلەن ھەمكارلىشىپ، يېزا ئىگىلىك مەھسۇلاتلىرىنى توردا ھەم تور سىرتىدا سېتىش ۋە تەشۋىق قىلىش، تونۇشتۇرۇش خىزمىتىنى كۈچەپ قانات يايدۇردى.