2017-يىللىق سەھىيە ساغلاملىق كەسپىي تەرەققىيات ئىستاتىستىكا ئاخباراتىدا كۆرسىتىلىشىچە، جۇڭگو ئاھالىلىرىنىڭ ئوتتۇرىچە مۆلچەر ئۆمرى 76.7 ياشقا يەتكەن.
ساغلاملىق ئاساسلىق كۆرسەتكۈچى ئومۇمىي جەھەتتىن ئوتتۇرا، يۇقىرى كىرىملىك دۆلەتلەردىن ئەلا تۇرغان.
شىنخۇا تورى خەۋىرى: دۆلەت سەھىيە ساغلاملىق كومىتېتى يېقىندا «2017-يىللىق دۆلىتىمىزنىڭ سەھىيە ساغلاملىق كەسپىي تەرەققىيات ئىستاتىستىكا ئاخباراتى» نى ئېلان قىلدى. دوكلاتتا كۆرسىتىلىشىچە، 2017-يىلى، دۆلىتىمىزنىڭ ئاھالىلىرىنىڭ ئوتتۇرىچە مۆلچەر ئۆمرى 2016-يىلىدىكى 76.5 ياشتىن 76.7 ياشقا يۇقىرى كۆتۈرۈلگەن، بوۋاقلارنىڭ ئۆلۈش نىسبىتى ‰7.5 دىن ‰6.8 تۆۋەنلىگەن، ھامىلىدار تۇغۇتلۇق ئاياللارنىڭ ئۆلۈش نىسبىتى 19.9／100000 دىن 19.6／100000غا تۆۋەنلىگەن، دۆلىتىمىز ئاھالىلىرىنىڭ ئاساسلىق ساغلاملىق كۆرسەتكۈچى ئومۇمىي جەھەتتىن يۇقىرى، ئوتتۇرا كىرىملىك دۆلەتلەر ئوتتۇرىچە سەۋىيەسىدىن ئەلا تۇرغان.
