تەڭرىتاغ تورى   ›   تۇرمۇش   ›   تۇرمۇش لۇغىتى

تېلېۋىزورنى تامغا ئېسىش كېرەكمۇ ياكى ئىشكاب ئۈستىگە قويۇش كېرەكمۇ؟

    ئۆيىڭىزدىكى تېلېۋىزور تامغا ئېسىلغانمۇ ياكى تېلېۋىزور ئىشكابى ئۈستىگە قويۇلغانمۇ؟
    تېلېۋىزورنى ئاسقان ياكى قويغان ئورۇن توغرا بولمىسا ئادەمنى بىئارام قىلىدۇ.
    تېلېۋىزورنى كۆز بىلەن پاراللىل قويغاندا ياكى ئاسقاندا، ئەڭ راھەت كۆرگىلى بولىدۇ. تېلېۋىزورنى مەيلى تامغا (ياكى تېلېۋىزور ئىشكابى) ئۈستىگىرەك ياكى تۆۋەنرەك قىلىپ ئېسىڭ، تېلېۋىزورنى ئۇزۇنراق كۆرگەن ھامان بويۇن تېلىپ ئاغرىيدۇ.
    شۇڭا، تېلېۋىزورنى دىۋان (سافا) دىن ئېگىزرەك قىلىپ قويغاندا مەيلى تېلىۋىزورنى دىۋاندا ئولتۇرۇپ كۆرسە ياكى يېتىپ كۆرسە، بويۇن تېلىپ ئاغرىمايدۇ.
    ئادەتتە تېلېۋىزورنى يەردىن تەخمىنەن 80 سانتىمېتر ئېگىزلىكتىكى ئورۇنغا قويسا ياكى ئورناتسا مۇۋاپىق. ئەلۋەتتە، كونكرېتنى ئېگىزلىكىنى يەنىلا دىۋاننىڭ ئېگىزلىكىگە قاراپ بىكىتىش كېرەك.
    ئەگەر تېلېۋىزور ئىشكابى پاكارراق بولسا، ئۇنداقتا تېلېۋىزورنى يەنىلا تامغا ئورناتسا مۇۋاپىق بولىدۇ.

    تېلېۋىزورنى تېلېۋىزور ئىشكابىغا قويۇشنىڭ ئارتۇقچىلىقى
    بىرىنچى، تېلېۋىزورنى تېلىۋىزور ئىشكابىغا قويغاندا ئورنىنى يۆتكەشكە ۋە تەڭشەشكە قولايلىق.
    ئىككىنچى، تېلېۋىزورنى تېلېۋىزور ئىشكابىغا قويغاندا، تېلېۋىزورنىڭ ئارقىسى بىلەن تام ئارىسىدا بەلگىلىك بوشلۇق ساقلاپ قېلىنىدىغان بولۇپ، تېلېۋىزورنىڭ ئىسسىقلىقنى تارقىتىشىغا پايدىلىق، بۇنداق بولغاندا تېلېۋىزورنىڭ ئىشلىتىش ئۆمرى ئۇزىرايدۇ.
    ئۈچىنچى، تېلېۋىزورغا توك مەنبە سىمى، سىگنال سىمى چېتىش كېرەك. ئەگەر تېلېۋىزورنى تامغا ئاسماقچى بولۇپ، ئالدىن يوشۇرۇن سىم ئورناتمىغاندا، توك يوللىرى سىرتقا چىقىپ قالىدۇ. ئەكسىچە،
    تېلېۋىزورنى ئىشكابنىڭ ئۈستىگە قويغاندا، تازىلاشقا قولايلىق.

    تېلېۋىزورنى تېلېۋىزور ئىشكابىغا قويۇشنىڭ يېتەرسىزلىكى
    بىرىنچى، تېلېۋىزورنى تېلېۋىزور ئىشكابىغا قويغاندا، ئىشكاب خېلىلا كۆپ ئورۇننى ئىگىلەپ مېھمانخانىنى تېخىمۇ تار ھەم كىچىك كۆرسىتىپ قويىدۇ.
    ئىككىنچى، تېلېۋىزورنى تېلېۋىزور ئىشكابىغا قويغاندا بالىلارنىڭ بىخەتەرلىكىگە خەۋپ يېتىشى مۇمكىن.

    تېلېۋىزورنى تامغا ئېسىشنىڭ ئارتۇقچىلىقى
    تېلېۋىزورنى تامغا ئاسقاندا خېلىلا كۆپ بوشلۇقنى تېجەپ قالغىلى بولىدۇ ھەمدە مېھمانخانىمۇ ئازادە كۆرۈنىدۇ.

    تېلېۋىزورنى تامغا ئېسىشنىڭ يېتەرسىزلىكى
    بىرىنچى، تېلېۋىزورنى تامغا ئاسقاندا توك سىملىرى سىرتقا چىقىپ قېلىپ سەل كۆرۈمسىز كۆرۈنىدۇ ھەم ئورنىنى ئالدىراپ يۆتكىگىلى بولمايدۇ.
    ئىككىنچى، تېلېۋىزورنى تامغا ئاسقاندا تېلېۋىزوردىن چىققان ئىسسىقلىقنىڭ تارقىلىشىغا پايدىسىز، شۇنداق بولغاندا تېلېۋىزورنىڭ ئىشلىتىش ئۆمرىمۇ قىسقىراپ كېتىدۇ.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • باغراش كۆلى سۇ ئۈستى باغچىسى ئالقىشقا ئېرىشتى
  • نەنسەندىكى رەڭگارەڭ گۈل دېڭىزى ساياھەتچىلەرنى جەلپ قىلدى
  • نارات مەنزىرە رايونىدا يەككە كۈندە كۈتۈۋېلىنغان ساياھەتچىلەر سانىدا رېكورت يارىتىلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى