تەڭرىتاغ تورى   ›   خەۋەر مەركىزى   ›   شىنجاڭ

شىنجاڭدا بىر تۈركۈم ساياھەت ئېسىل لىنىيەلىرى ئېچىلدى

  شىنخۇا ئاگېنتلىقى، ئۈرۈمچى، 5-ئاينىڭ 22-كۈنى تېلېگراممىسى. ساياھەت جانلىنىش پەسلىگە كىرىش پەيتىدە، شىنجاڭ ساياھەت تەرەققىيات كومىتېتى خەلق ئاۋىياتسىيەسى، تۆمۈريول تارماقلىرى قاتارلىق ساياھەتكە ئالاقىدار تارماقلار بىلەن بىرلىكتە بىر تۈركۈم ئېسىل ساياھەت لىنىيەلىرىنى ئاچتى.

  شىنجاڭ ئايرودۇرۇم (گۇرۇھى) چەكلىك شىركىتى يېقىندا كورلا-يەكەن، خوتەن-چېڭدۇ، ئۈرۈمچى-قاناس قاتارلىق 10 ساياھەت ئاۋىياتسىيە لىنىيەسىنى يېڭىدىن كۆپەيتىپ، ئاۋىياتسىيە ساياھەتچىلىكىدە يېڭى مەھسۇلات، يېڭى لىنىيەلەرنى بەرپا قىلدى. شۇنىڭ بىلەن بىر ۋاقىتتا، جۇڭگو تۆمۈريولى ئۈرۈمچى تۆمۈريول ئىدارىسى گۇرۇھى چەكلىك شىركىتى «پويىزغا ئولتۇرۇپ شىنجاڭنى ساياھەت قىلىش» تۆمۈريول يولۇچىلار پويىزى ساياھەت مەھسۇلاتلىرىنى ئومۇميۈزلۈك ئورۇنلاشتۇرۇپ، «ساياھەت مەنزىرە رايونلىرىنى تۇتاشتۇرۇش، ساياھەتچىلەرنىڭ سەپەرگە چىقىشىنى ئاممىۋىلاشتۇرۇش، ساياھەت پويىزلىرىنى ئايلاندۇرۇش» پىلانىنى يولغا قويدى، بۇ يىل يەنە شىمالىي شىنجاڭنى ئايلىنىش، جەنۇبىي شىنجاڭنى ساياھەت قىلىش، ئوت يۇرتى ساياھىتى، دۇنخۇاڭدىكى ئۇچرىشىش، ئوتتۇرا ئاسىياغا بېرىش ۋە يېڭى شەرق تېز پويىزى يۈرۈشلۈك ساياھەت مەھسۇلاتلىرىنى بەرپا قىلىپ، تۆمۈريول بايلىقىنىڭ ساياھەت كەسپىدىكى مۇھىم رولىنى جارى قىلدۇردى.

  شىنجاڭ ساياھەت تەتقىقات ئورنىنىڭ باشلىقى ياڭ ياۋپىڭ تونۇشتۇرۇپ مۇنداق دېدى: شىمالىي شىنجاڭ ئۆز ئاپتوموبىل ساياھىتى لىنىيەسى، غەربىي تەڭرىتاغ ئۆز ئاپتوموبىل ساياھىتى لىنىيەسى، شەرقىي تەڭرىتاغ ئۆز ئاپتوموبىل ساياھىتى لىنىيەسى، جەنۇبىي شىنجاڭ ئۆز ئاپتوموبىل ساياھىتى لىنىيەسى، قەشقەر ئۆز ئاپتوموبىل ساياھىتى لىنىيەسى، قاراماي ئۆز ئاپتوموبىل ساياھىتى لىنىيەسى، ئىلى دەريا ۋادىسى ئۆز ئاپتوموبىل ساياھىتى لىنىيەسى، تارىم ئۆز ئاپتوموبىل ساياھىتى لىنىيەسى، قومۇل ئۆز ئاپتوموبىل ساياھىتى لىنىيەسى ۋە خوتەن ئۆز ئاپتوموبىل ساياھىتى لىنىيىسىدىن ئىبارەت ئۆز ئاپتوموبىل ساياھىتىدىكى 10 ئېسىل لىنىيە مەملىكەتنىڭ ھەر جايلىرىدىن كەلگەن، ئۆزلىرى ئاپتوموبىل ھەيدىگەن ساياھەتچىلەرنىڭ خاس، كۆپ مەنبەلىك ۋە سۈپەتلىك ئىستېمال ئېھتىياجىنى قاندۇرالايدۇ.

  شىنجاڭ ساياھەت تەرەققىيات كومىتېتى پارتگۇرۇپپىسىنىڭ شۇجىسى خوۋ خەنمىن مۇنداق دېدى: شىنجاڭ ساياھەتچىلىك بىلەن باشقا كەسىپلەرنىڭ بىرلىشىشىنى كۈچەيتىپ، ساياھەت مەھسۇلاتلىرى ۋە لىنىيە تەمىنلەشنى كۆپەيتىپ، ساياھەت جانلىقلىقى ۋە ھاياتىي كۈچىنى ئۈزلۈكسىز ئاشۇرۇپ، شىنجاڭنىڭ ئۆزگىچە ساياھەت ئەۋزەللىكىنى بەرپا قىلىدۇ.

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • باغراش كۆلى سۇ ئۈستى باغچىسى ئالقىشقا ئېرىشتى
  • نەنسەندىكى رەڭگارەڭ گۈل دېڭىزى ساياھەتچىلەرنى جەلپ قىلدى
  • نارات مەنزىرە رايونىدا يەككە كۈندە كۈتۈۋېلىنغان ساياھەتچىلەر سانىدا رېكورت يارىتىلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى