ئاق ياۋا گۈللەر، سېرىق گۈللەر، ئاق زەپىران گۈللەر تاغ-دالىلارنى قاپلاپ، يايلاق رەڭگارەڭ تۈسكە كىردى. 4-ئاينىڭ ئاخىرلىرىدىن باشلاپ، نارات يايلىقىدا تۈرلۈك ياۋا گۈللەر بەس-بەستە ئېچىلدى، تاغ باغرىغا نەزەر سالسىڭىز، قىزىل، ئاق، سېرىق، كۆك، سۆسۈن رەڭلەر گىرەلىشىپ، گۈزەل مەنزىرىنى شەكىللەندۈردى. كۆك ئاسمان، ئاق بۇلۇت، قارلىق تاغ ئاستىدىكى كىگىز ئۆي ۋە چارۋا ماللار تولىمۇ كىچىك كۆرۈنۈپ، كىشىلەرنىڭ كۆز ئالدىغا سۇ بوياق رەسىمىدەك گۈزەل مەنزىرىنى نامايان قىلىپ تۇراتتى.
ئادەملەر ئاز جايىدا مەنزىرە شۇنچە گۈزەل بولۇپ، ھەممە يەرنى تولىمۇ چىرايلىق ياۋا گۈللەر قاپلىغان ئىدى. بوشلۇقتىن قارىغاندا بىپايان يايلاق تولىمۇ ھەيۋەت كۆرۈنەتتى، مەيلى قەيەرگە بارماڭ، ھەممىلا جايدا گۈللەر ئېچىلغان، پادىلار ئوتلاپ يۈرگەن گۈزەل مەنزىرىنى كۆرگىلى بولاتتى.