شىنخۇا تورى خەۋىرى. چىڭخەي ئۆلكىسى يۈشۇ زاڭزۇ ئاپتونوم ئوبلاستى چېڭدو ناھىيەلىك ئەدەبىيات-سەنئەتچىلەر بىرلەشمىسىدىكى خىزمەتچى خادىم يېقىندا ناھىيە تەۋەسىدىكى ئوخشاشمىغان جايلاردا يېڭىدىن نەچچە يۈز قىيا تاش رەسىمىنىڭ بايقالغانلىقىنى ئېيتتى. ئوخشىمىغان مەزمۇندىكى بۇ قىيا تاش رەسىملىرى تاغ يانباغرىدىكى پەلەمپەي شەكىللىك يەردە ساقلانغان بولۇپ، رەسىملەردە بۇغا، قوتاز قاتارلىق ھايۋاناتلار ئوبرازى، شۇنداقلا ئادەم ئوبرازى ۋە بەلگىلەرنى غۇۋا كۆرگىلى بولىدۇ. جۇڭگو قىيا تاش رەسىملىرى ئىلمىي جەمئىيىتىنىڭ مۇئاۋىن باشلىقى، جۇڭگو خەلق داشۆسى تارىخ شۆيۈەنىنىڭ پىروفېسسورى ۋېي جيەن تونۇشتۇرۇپ مۇنداق دېدى: بۇ قىيا تاش رەسىملىرىنىڭ ۋاقىت ئارىلىقى بىرقەدەر ئۇزۇن، بەزىلىرىنى بۇنىڭدىن 2000 يىل ئىلگىرىكى ۋاقىت ئەتراپىدىن سۈرۈشتۈرگىلى بولىدۇ، بۇلار ئېلىمىزنىڭ تۇڭتيەنخې دەرياسى ۋادىسىدىكى ئەجدادلار قالدۇرۇپ كەتكەن قىممەتلىك مەدەنىيەت يادىكارلىقلىرى.
