شىنجاڭ تورى خەۋىرى: ئالىي مەكتەپلەرنى پۈتكۈزگەن شىزاڭ، چىڭخەي ۋە شىنجاڭلىق ئوقۇغۇچىلار جۇڭگو ئىختىساسلىقلار تورى (www.newjobs.com.cn) غا چىقىپ، مەملىكەت ئىچىدىكى مەركەز كارخانىلىرىنىڭ خىزمەتچى قوبۇل قىلىش ئۇچۇرلىرىغا قاراپ خىزمەت ئىزدىسە بولىدۇ. بۇ، 7-نۆۋەتلىك مەركەز كارخانىلىرىنىڭ ئالىي مەكتەپلەرنى پۈتكۈزگەن شىزاڭ، چىڭخەي، شىنجاڭلىق ئوقۇغۇچىلارنى مەخسۇس خىزمەتكە قوبۇل قىلىش پائالىيىتى بولۇپ، 2018-يىلى 6-ئاينىڭ 30-كۈنى ئاخىرلىشىدۇ.
خىزمەتكە قوبۇل قىلىش ئوبيېكتى شىزاڭ، چىڭخەي، شىنجاڭ قاتارلىق جايلار ھەمدە سىچۈەن، يۈننەن ۋە گەنسۇ ئۆلكىسىنىڭ زاڭزۇلار رايونىدىكى 2018-يىلى ئالىي مەكتەپلەرنى پۈتكۈزىدىغان ئوقۇغۇچىلار (ئوقۇش تەۋەلىكى يەرلىكتە ۋە مەكتەپكە كىرىشتىن بۇرۇن نوپۇسى شۇ يەردە بولغان ئالىي مەكتەپلەرنى پۈتكۈزگەنلەرنى ئۆز ئىچىگە ئالىدۇ) نى ئاساس قىلىدۇ. مەخسۇس خىزمەتچى قوبۇل قىلىش پائالىيىتىدە توردا قوبۇل قىلىش ئاساس قىلىنىدۇ. ئەمەلىي ئەھۋالغا ئاساسەن، ئادەم كۈچى بايلىقى ۋە ئىجتىمائىي كاپالەت، مائارىپ، دۆلەت بايلىقى قاتارلىق تارماقلار ۋە مەركەز كارخانىلىرى مۇۋاپىق پەيتتە كۆپ خىل ئۇسۇللارنى قوللىنىپ خىزمەتچى قوبۇل قىلىش پائالىيەتلىرىنى قانات يايدۇرىدۇ.
