تىيانشان تورى   ›   تۇرمۇش   ›   ساغلاملىق

ئۆزىڭىزنى پاكىز دەپ قارامسىز؟

ماتېرىيال سۈرەت

    سىز ئۆزىڭىزنى پاكىز دەپ قارامسىز؟ ياستۇق قېپىڭىزنى قانچىلىك ۋاقىتتا بىر ئالماشتۇرىسىز؟ گىرىم چوتكىڭىزنىچۇ؟ كومپىيۇتېر كۇنۇپكا تاختىڭىزنى قانچىلىك ۋاقىتتا بىر تازىلايسىز؟ تۆۋەندە ئەنگلىيە تازىلىق مۇتەخەسسىسىنىڭ پىكرىنى ئاڭلاپ باقايلى، چوقۇم ھەيران قالىسىز.

ماتېرىيال سۈرەت

    ئەنگلىيە «قۇياش گېزىتى» مۇتەخەسسىسلەرنىڭ سۆزىنى نەقىل كەلتۈرۈپ مۇنداق خەۋەر بەرگەن: گىرىم چوتكىسىنى مەخسۇس يۇيۇش سۇيۇقلۇقىدا ھەپتىدە بىر قېتىم يۇيۇش كېرەك، ئەگەر مەخسۇس يۇيۇش سۇيۇقلۇقى بولمىسا، ئورنىغا چاچ يۇيۇش سوپۇنى ئىشلەتسىمۇ بولىدۇ. تەنھەرىكەت كىيىمىنى 40 سېلسىيە گىرادۇسلۇق ئىلمان سۇدا يۇيۇش كېرەك. يىپەك كىيىملەرنى بىر قېتىم كىيىپ بىر قېتىم يۇيۇش كېرەك. سومكىنى ھەپتىدە بىر قېتىم چوتكىلاش كېرەك.

    كومپيۇتېر كۇنۇپكا تاختىسىنى مەينەتچىلىكنىڭ ئۇۋىسى دېيىشكە بولىدۇ، شۇڭا چوقۇم ھەپتىدە بىر قېتىم تازىلاش كېرەك، كۇنۇپكىلار ئارىسىنى ھاۋا پۈركۈگۈچ بىلەن تازىلىغاندىن كېيىن، ئاندىن دېزېنفېكىسيەلەنگەن قەغەز بىلەن سۈرتۈش كېرەك.

ماتېرىيال سۈرەت

    كارىۋات سېلىنچىسىنى كۈندە چاڭ-توزان سۈمۈرگۈچ بىلەن بىر قېتىم تازىلاش كېرەك، كارىۋات كىرلىكىنى ھەپتىدە بىر قېتىم، ياستۇق قېپىقىنى بىر كۈن توختاپ بىر كۈن يۇيۇش كېرەك. ئىشىك تۇتقۇچىنى ھەپتىدە بىر قېتىم دېزېنفېكىسيەلەنگەن قەغەز بىلەن سۈرتۈش كېرەك. ئاشخانا ئۆيدىكى ئەخلەت چېلىكىنى ھەپتىدە بىر قېتىم ئىلمان سوپۇن سۈيى بىلەن يۇيۇش كېرەك.

ماتېرىيال سۈرەت

    بولكا پىشۇرىدىغان ئۈسكۈنىنى ھەپتىدە بىر قېتىم تازىلاپ بولكا ئۇۋاقلىرىنى چىقىرىۋېتىش، ئاندىن ھۆل لاتا بىلەن سۈرتۈۋېتىش كېرەك. تازىلىق ئۆيىدىكى تېيىلىشنىڭ ئالدىنى ئالىدىغان سېلىنچىنى  ھەر قېتىم ئىشلىتىپ بولغاندىن كېيىن قۇرۇتۇش، ھەپتىدە بىر قېتىم يۇيۇش كېرەك. لۆڭگىنى بىر كۈن توختاپ بىر كۈن 40 سېلسىيە گىرادۇسلۇق ئىلمان سۇدا يۇيۇش كېرەك.

ماتېرىيال سۈرەت

    بالىلارنىڭ تىۋىتلىق ئويۇنچۇقلىرىنى ھەپتىدە بىر قېتىم يۇيۇش كېرەك، بۇ خىلدىكى ئويۇنچۇقلارنى بىر كېچە توڭلىتىپ قويسا توزانسىمان سالجىنى يوقاتقىلى بولىدۇ. ئويۇنچۇقلارنى ھەپتىدە بىر قېتىم يۇيۇش، قاچا ۋە داسلارنى بىر كۈن توختاپ بىر كۈن ئىسسىق سۇدا يۇيۇش، سېلىنچىلارنى ھەپتىدە بىر قېتىم يۇيۇش كېرەك.

ماتېرىيال سۈرەت

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ گېزىتخانىسى(شىنجاڭ گېزىتچىلىك ـ تاراتقۇ <گۇرۇھ> چەكلىك شىركىتى)گە تەۋە. نەشر ھوقۇقىغا ئىگە ئەسەر ھوقۇق بېرىلمىگەن ئەھۋالدا باشقا سۇپىلارغا كۆچۈرۈپ ئىشلىتىش قاتتىق مەنئى قىلىنىدۇ. باشقا سۇپىلارغا كۆچۈرۈپ ئىشلەتكەندە مەنبەسى، ئەسلىي ماۋزۇسى، ئاپتورنىڭ ئىسمى ئەسكەرتىلىشى كېرەك، يادرولۇق مەزمۇنىنى ئۆزگەرتىشكە بولمايدۇ.

  • تاڭ نۇرىدىكى كۈرەش قىلغۇچىلار
  • قەغەز قىيما سەنئىتى مەكتەپلەرگە كىردى ئەنئەنىۋى مەدەنىيەت ئۇرۇقى قەلبلەرگە تېرىلدى
  • شىنجاڭنىڭ تاغ-دەريالىرى خۇددى سۈرەتتەك| مۇزلار ئېرىپ دەريا يولى ئېچىلدى قايدۇ دەرياسىدىن باھار ھىدى تارقالدى