‹‹شى جىنپىڭنىڭ <بىر بەلباغ، بىر يول>خەلقئارا ھەمكارلىق باشلىقلار مۇنبىرىدە قىلغان مۇھىم سۆزى››ناملىق كىتاب نەشر قىلىنىپ تارقىتىلدى

   شىنخۇا ئاگېنتلىقى، بېيجىڭ، 4 – ئاينىڭ 18 – كۈنى تېلېگراممىسى. ‹‹شى جىنپىڭنىڭ <بىر بەلباغ، بىر يول> خەلقئارا ھەمكارلىق باشلىقلار مۇنبىرىدە قىلغان مۇھىم سۆزى›› ناملىق كىتابنىڭ خەنزۇچە، ئىنگلىزچە نۇسخىسى يېقىندا چەت ئەل تىل – يېزىقى نەشرىياتى تەرىپىدىن نەشر قىلىنىپ، دۆلەت ئىچى – سىرتىغا تارقىتىلدى. بۇ كىتابقا باش شۇجى شى جىنپىڭنىڭ ‹‹بىر بەلباغ، بىر يول›› خەلقئارا ھەمكارلىق باشلىقلار مۇنبىرىنىڭ باشلىنىش مۇراسىمىدا قىلغان نۇتقى، ‹‹بىر بەلباغ، بىر يول›› خەلقئارا ھەمكارلىق باشلىقلار مۇنبىرى قارشى ئېلىش زىياپىتىدە قىلغان قەدەھ سۆزى قاتارلىق 11 پارچە مۇھىم سۆزى كىرگۈزۈلگەن ھەم ئىككى مۇھىم نەتىجە ھۆججىتى ئىلاۋە شەكلىدە كىرگۈزۈلگەن.