شىنجاڭ تورى خەۋىرى: شىنجاڭلىق ساياھەتچىلەر 6-ئايدىن ئىلگىرى نارات مەنزىرە رايونىنى يېرىم باھالىق ئېتىبار بىلەن ساياھەت قىلالايدۇ، كىرىش بېلىتى ۋە ئاپتوبۇس بېلەتلىرىنى قوشقاندا جەمئىي 147.5 يۈەننى تېجەپ قالالايدۇ.
مۇخبىرنىڭ 4-ئاينىڭ 7-كۈنى نارات مەنزىرە رايونىنى باشقۇرۇش كومىتېتىدىن ئىگىلىشىچە، بۇ مەنزىرە رايونىنىڭ ئەڭ يېڭى ئېتىبار بېرىش سىياسىتى 4-ئاينىڭ 1-كۈنىدىن باشلاپ، 5-ئاينىڭ 31-كۈنىگىچە داۋاملىشىدىغان بولۇپ، بۇ ئارىلىقتا ئومۇمەن شىنجاڭ كىملىكىدىكى ساياھەتچىلەرنىڭ ھەممىسى نارات مەنزىرە رايونىغا ساياھەتكە كەلسە، كىرىش بېلىتى ۋە مەنزىرە رايون ئارىلىقىدىكى ئاپتوبۇس بېلەتلىرىنىڭ باھاسىدا يېرىم باھا ئېتىبار بېرىلىدىكەن.
ئىگىلىنىشىچە، نۆۋەتتە بۇ مەنزىرە رايونىنىڭ كىرىش بېلىتى باھاسى 95 يۈەن، مەنزىرە رايون ئارىلىقىدىكى يۈرۈشلۈك ئاپتوبۇس بېلەتلىرىنىڭ باھاسى 200 يۈەن بولۇپ، جەمئىي 295 يۈەن بولىدىكەن. ئېتىبار بېرىش مەزگىلىدە، شىنجاڭلىق ساياھەتچىلەر كىملىكى ئارقىلىق 147.5 يۈەننى تېجەپ قالالايدىكەن.