شاڭخەيدىكى «باسىفۇ» يېڭى ماتېرىياللار چەكلىك شىركىتىنىڭ كارخانا ۋەكىلى جاڭ لى مۇھىت ئاسراش باج تالونىنى كۆرسەتتى.
شىنخۇا تورى خەۋىرى. 2018-يىلى 4-ئاينىڭ 1-كۈنىدىن باشلاپ، ئېلىمىز مۇھىت ئاسراش بېجىنىڭ تۇنجى باج يىغىش مۇددىتىگە كىردى. شۇ كۈنى چۈشتىن بۇرۇن، «باسىفۇ» يېڭى ماتېرىياللار چەكلىك شىركىتىنىڭ مالىيە خادىملىرى شاڭخەي پۇدۇڭ يېڭى رايونلۇق باج ئىشلىرى ئىدارىسىدىكى خىزمەتچىلەرنىڭ قولىدىن شاڭخەي شەھىرى بويىچە تۇنجى بولۇپ چىقىرىلغان مۇھىت ئاسراش باج تالونىنى ئالدى. بۇ ھەم مەملىكەت بويىچە تۇنجى قېتىم چىقىرىلغان مۇھىت ئاسراش باج تالونى، مۇھىت ئاسراش بېجىنىڭ ئېلىمىزدە ئوڭۇشلۇق يولغا قويۇلغانلىقىدىن دېرەك بېرىدۇ.