ئاسىيا كىندىكى تورى خەۋىرى: بۇ يىل 1-ئايغىچە، ئۈرۈمچىدىكى يانفون ئابۇنىچىلىرى 6 مىليون 910 مىڭدىن ئاشقان، پۈتۈن شەھەر بويىچە ئاممىۋىي سورۇنلاردىكى WIFI نۇقتىسى 7000غا يەتكەن. 1-ئايدىلا ئۈرۈمچى شەھىرى بويىچە يېڭىدىن قوشۇلغان يانفون ئابۇنىچىلىرىنىڭ سانى 170 مىڭدىن ئاشقان.
3-ئاينىڭ 15-كۈنى، مۇخبىرنىڭ ئۈرۈمچى شەھەرلىك ئىقتىساد ۋە ئۇچۇرلاشتۇرۇش خىزمىتى ئىشخانىسىدىن ئىگىلىشىچە، بۇ يىل 1-ئايدا ئۈرۈمچى شەھىرىنىڭ ئۇچۇر-ئالاقە كەسپى كىرىمى 491 مىليون يۈەنگە يېتىپ، ئوخشاش مەزگىلگە سېلىشتۇرغاندا %3.59 يۇقىرىلىغان. كۆچمە تېلېفوننىڭ سېتىلىش ئومۇمىي مىقدارى 75مىڭ 900گە، ئەقلىي ئىقتىدارلىق يانفوننىڭ سېتىلىش مىقدارى 71 مىڭ 900گە يەتكەن. تونۇشتۇرۇلۇشىچە، بۇ يىل 1-ئايغىچە، ئۈرۈمچى شەھىرىدىكى مۇقىم تېلېفون ئابۇنىچىلىرىنىڭ ئومۇمىي سانى 1 مىليون 222مىڭغا، يانفون ئابۇنىچىلىرىنىڭ سانى 6 مىليون 910مىڭ 500گە يەتكەن.
