ئەنگلىيە «كۈندىلىك پوچتا گېزىتى»نىڭ 3-ئاينىڭ 7-كۈنىدىكى خەۋىرىگە قارىغاندا، ئىلگىرى «ھوقۇق ئويۇنى» دا «سېھىرلىك تاغ» رولىنى ئالغان ئىرېلاندىيەلىك ئارتىس خافسور «كۈچتۈنگۈرلەر مۇسابىقىسى» دە مۇۋەپپەقىيەتلىك ھالدا 1041 قاداق (تەخمىنەن 472.2 كىلوگىرام) ئېغىرلىقتىكى ئىشتانكىنى كۆتۈرۈپ، دۇنيا رېكورتىنى بۇزۇپ تاشلىغان. يىلدا بىر ئۆتكۈزۈلىدىغان بۇ مۇسابىقە ئامېرىكىنىڭ ئوخېئو ئىشتاتىدا ئۆتكۈزۈلگەن بولۇپ، دۇنيانىڭ ھەرقايسى جايلىرىدىن كەلگەن كۈچتۈنگۈرلەر بۇ يەردە جەم بولغان.
ئىگىلىنىشىچە، بوي ئېگىزلىكى 2.1 مېتىر كېلىدىغان، ناھايىتى بەستلىك خافسور ئەسلىدە كەسپىي ۋاسكېتبول تەنھەرىكەتچىسى بولۇپ، تىزى يارىلانغاندىن كېيىن، ئېغىرلىق كۆتۈرۈش تەنھەرىكىتى بىلەن شۇغۇللىنىشقا باشلىغان. ئۇ ئىلگىرى 25.4 كىلوگىرام ئېغىرلىقتىكى تۆمۈرنى تەخمىنەن 6 مېتىر ئېگىزلىكتىكى بوشلۇققا ئېتىپ، شۇ تۈردىكى دۇنيا رېكورتىنى بۇزۇپ تاشلىغان.