تەڭرىتاغ تورى   ›   خەۋەر مەركىزى   ›   جايلاردا

بۇ يىللىق تۇنجى تۈركۈمدىكى جەنۇبىي شىنجاڭلىق ئىشچىلار قومۇلغا يېتىپ كەلدى

  ئۆز خەۋىرىمىز: بۇ يىللىق تۇنجى تۈركۈمدىكى جەنۇبىي شىنجاڭلىق 80 ئىشچى 3-ئاينىڭ 10-كۈنى پويىزغا ئولتۇرۇپ قومۇلغا يېتىپ كەلدى. ئىگىلىنىشىچە، بۇ ئىشچىلار قومۇلنىڭ ھەرقايسى رايون ۋە ناھىيەلىرىدە مۇھىت ئاسراش ۋە باغ-ئورمانچىلىق خىزمەتلىرى بىلەن شۇغۇللىنىدىكەن.

         3-ئاينىڭ 10-كۈنى سەھەر سائەت 1:00 لەر ئەتراپىدا، خوتەندىن كەلگەن 35 ئىشچى، قىزىلسۇ ئوبلاستىدىن كەلگەن 45 ئىشچى T284 قېتىملىق پويىزغا ئولتۇرۇپ قومۇلغا يېتىپ كەلدى.

  خوتەندىن كەلگەن ئىشچىلارنى باشلاپ كەلگەن كادىر لى جىڭنىڭ تونۇشتۇرۇشىچە، بۇ قېتىم خوتەندىن كەلگەن 35 ئىشچى ئاساسىي جەھەتتىن ئارخىپى تۇرغۇزۇلغان نامرات ئائىلىلەردىن كەلگەن بولۇپ، 35 ئىشچىنىڭ ئىچىدە 17 جۈپ ئەر-ئايال باركەن. دېمەك بىر ئائىلىدىن ئەر-ئايال ئىككى ئادەم بىرلا ۋاقىتتا ئىشقا ئورۇنلاشقان.

  قومۇل شەھەرلىك ئادەم كۈچى بايلىقى ۋە ئىجتىمائىي كاپالەت ئىدارىسىنىڭ مۇئاۋىن باشلىقى لو جىشياڭنىڭ ئېيتىشىچە، ئىش ئورنىنىڭ ئەمەلىيلىشىشى جەھەتتە، ئېۋىرغول رايونى جامائەت پاراۋانلىقى خاراكتېرىدىكى 35 ئىش ئورنى، باركۆل قازاق ئاپتونوم ناھىيەسى جامائەت پاراۋانلىق خاراكتېرىدىكى 25 ئىش ئورنى، ئاراتۈرۈك ناھىيەسى جامائەت پاراۋانلىق خاراكتېرىدىكى 20 ئىش ئورنى بىلەن تەمىنلىگەن. ھەرقايسى رايون ۋە ناھىيەلەر تاماق، ياتاق شارائىتلىرىنى تولۇق ياخشى ئورۇنلاشتۇرۇپ بولغان.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • ‹‹بىر بەلباغ، بىر يول›› قۇرۇلۇشىدا ئالدىدا مېڭىش
  • بۇلۇت دېڭىزغا شۇڭغىغان لاۋشەن تېغى
  • ‹‹شۇاڭچۇاڭيۈەن›› نامرات ئاھالىلەرنىڭ بېيىش باغچىسىغا ئايلاندى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى