جۇڭگو ئاخبارات تورى خەۋىرى: 3-ئاينىڭ 7-كۈنى، گەنسۇ ئۆلكىسى لىنزې ناھىيەسىدىكى ئامما ناھىيەنىڭ شىمالىدىكى قاقاسلىققا سۆكسۆك تىكىپ، قۇمنى تىزگىنلەپ، يېشىللىق بەرپا قىلىپ، ئېكولوگىيەنى ياخشىلىدى. لىنزې ناھىيەسى بادان جەرەن قۇملۇقىنىڭ چېتىگە جايلاشقان بولۇپ، قۇملۇق، چۆل-جەزىرىنىڭ كۆلىمى پۈتۈن ناھىيە كۆلىمىنىڭ ئۈچتىن ئىككى قىسمىدىن ئارتۇقراقىنى ئىگىلەيدۇ، ئېكولوگىيەلىك مۇھىتى ئىنتايىن ناچار. بۇ ناھىيە كۆپ يىللاردىن بۇيان، بىئولوگىيەلىك ئۇسۇل ئارقىلىق قۇم تىزگىنلەش بىلەن قۇرۇلۇش ئۇسۇلى ئارقىلىق قۇم تىزگىنلەشنى بىرلەشتۈرۈپ، ئېكولوگىيە بىخەتەرلىك توسۇقىنى مۇستەھكەملىدى.
