كۇچا ناھىيەلىك يېزا ئىگىلىك رادىيو-تېلېۋىزىيە مەكتىپىنىڭ ئوقۇتقۇچىسى رازى تۇردى 26-فېۋرال دېھقانلارغا ياڭاق كۆچەتلىرىنى ئەتىياز پەسىللىك چاتاش تېخنىكىسىنى چۈشەندۈرمەكتە.
ئىختىيارىي مۇخبىرىمىز نىياز راھمان خەۋىرى، فوتوسى: كۇچا ناھىيەلىك يېزا ئىگىلىك رادىيو-تېلېۋىزىيە مەكتىپىنىڭ ئۇزۇن بازىرى بۇقىچى كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىدىكى كادىرلار فېۋرال ئېيى كىرگەندىن بۇيان ئۆزلىرىنىڭ كەسپىي ئۈستۈنلۈكىنى جارى قىلدۇرۇپ، دېھقانلارنى باغ – ئورمانچىلىق كەسپىي بويىچە تەربىيەلەشنى كۈچەيتىپ، ھەر مو مېۋىلىك باغنىڭ كىرىمىنى بۇلتۇرقىدىن 1000 يۈەن ئاشۇرۇشقا پۇختا ئاساس سېلىپ، دېھقانلارنى نامراتلىقتىن قۇتۇلدۇرۇشقا يېتەكلىدى.
