شىنخۇا تورى خەۋىرى: ئاۋىستىرالىيە مەك كورىي ئۇنىۋېرسىتېتىنىڭ يېقىندا ئېلان قىلغان بىر تۈرلۈك يېڭى تەتقىقاتىدا، نۇرغۇن قۇشلارنىڭ تەن شەكلىنىڭ تەدرىجىي تەرەققىيات جەريانىدا كىچىكلەپ كېتىشىنى يەر شارى كىلىماتىنىڭ ئىللىپ كېتىشى كەلتۈرۈپ چىقارغان، دەپ قارالغان، بۇ بايقاش ئىلىم-پەن ساھەسىدىكىلەرنىڭ كىلىمات ئۆزگىرىشىنىڭ قۇشلار ساغلاملىقىغا سەلبىي تەسىر كۆرسىتىش توغرىسىدىكى ئەندىشىسىنى تېخىمۇ كۈچەيتكەن.
بىئولوگىيە ساھەسىدە سوغۇق رايونلاردىكى ھايۋانلارنىڭ تېنى ئادەتتە بىر قەدەر چوڭ، ئىسسىق رايونلاردىكى ھايۋانلارنىڭ تېنى ئادەتتە كىچىكرەك بولىدۇ، دەيدىغان قاراش مەۋجۇت بولۇپ، بۇنىڭ سەۋەبى تېنى بىر قەدەر چوڭ ھايۋانلار تېنى كىچىكرەك ھايۋانلارغا قارىغاندا، تېخىمۇ ئۈنۈملۈك ئىسسىقلىق ساقلالايدىكەن.
تەتقىقاتچىلارنىڭ ئېيتىشىچە، يالغۇز قۇشلارلا ئەمەس، نۇرغۇنلىغان ھايۋانلارنىڭ تۈرلىرى كىلىمات تەسىرىدە ئۆزگىرىشى مۇمكىنكەن.