تەڭرىتاغ تورى   ›   تۇرمۇش   ›   ئائىلە ۋە نىكاھ

«خىزمەتداش ئەر-خوتۇنلار» ئارتۇقچىلىقىنى جارى قىلدۇرۇپ، كەمچىلىكتىن ساقلىنىش كېرەك

  ئۇلار ئامراق ئەر-خوتۇنلاردىن ئىدى. ئىككىسى تېخىمۇ كۆپ ۋاقتىنى بىللە ئۆتكۈزۈش ئۈچۈن، خىزمىتىنى بىر شىركەتنىڭ ئوخشاش بۆلۈمىگە ئالماشتۇرۇۋالدى. لېكىن، غەلىتە بولغىنى: ئىككىسىنىڭ ھېسسىياتى تېخىمۇ يېقىنلاشماقتا يوق، ئەكسىچە پات-پات ئۇرۇشۇپ قالىدىغان بولۇپ قالدى.

  ئەر-خوتۇنلار «خىزمەتداش» بولسا خىزمەت ۋە تۇرمۇشقا قانداق تەسىرلىرى بولىدۇ؟

  1. «خىزمەتداش ئەر-خوتۇنلار» ئاسانلا خىزمەت بىلەن تۇرمۇشنىڭ چېگراسىنى قالايمىقانلاشتۇرۇۋېتىدۇ. ئىككىسى ئىدارىدە خىزمەتداش، لېكىن ئەر-خوتۇنلۇق ئۆلچەم بىلەن بىر-بىرىگە مۇئامىلە قىلىشىدۇ. ئىشتىن چۈشكەندە ئەسلىي شەخسىي تۇرمۇش ۋاقتى بولسىمۇ، لېكىن ئىختىيارسىز خىزمەت مەسىلىلىرىنى سۆزلىشىپ قالىدۇ. بۇنىڭ بىلەن شەخسىي تۇرمۇش ۋاقتى دەخلىگە ئۇچرايدۇ. بۇنداقلار ئاسانلا «خىزمەتداش دېسە خىزمەتداش ئەمەس، ئەر-خوتۇن دېسە ئەر-خوتۇن ئەمەس» تەك مۇناسىۋەتنى شەكىللەندۈرۈپ قويىدۇ.

  2. پىسخىكىدا «ئىچكى» ۋە «تاشقى» دەپ ئىككى خىل چېگرا بار. ئىچكى چېگرا دېگىنىمىز، بىر ئادەمنىڭ كۆڭلىدە ئۆزىنىڭ نېمە ئىش قىلىۋاتقانلىقىنى، ئۆز ئوبرازىغا قانداق ماسلىشىش كېرەكلىكىنى بەلگىلەپ بېرىدىغان ئىچكى سېزىم. يۇقىرىقى ئەر-خوتۇن مۇشۇ ئىچكى سېزىمنى ھېس قىلالمىغان. يەنى خىزمەت ۋاقتىدا ئۇلار خىزمەتداش، تۇرمۇشتا بولسا ئەر-خوتۇن. تۇرمۇشتىكى مۇناسىۋەتنى خىزمەتكە، خىزمەتتىكى مۇناسىۋەتنى تۇرمۇشقا تەتبىقلاشقا بولمايدۇ.

  3. «خىزمەتتىكى ئەر-خوتۇنلار» مۇناسىۋىتىنى ياخشى بىر تەرەپ قىلغاندا، ئۇلار «بىر گەۋدە» بولالايدۇ. چۈنكى، ئۇلارنىڭ بىللە بولىدىغان ۋاقتى ئۇزۇن، ئۆزئارا پىكىرلىشىدىغان ساھەسى ئىنتايىن كەڭرى، شۇڭا ئاسانلا «كەسىپتىكى ھەمراھلار، تۇرمۇشتىكى دوستلار» بولالايدۇ. پەقەت خىزمەت بىلەن تۇرمۇش چېگراسىنى ياخشى بىر تەرەپ قىلالىسا يەنىلا بەختلىك بىر جۈپلەر بولىۋېرىدۇ.

  4. «خىزمەتداش ئەر-خوتۇنلار» نىڭ ماسلىشىشىغا بىر جەريان كېرەك. دەسلىپىدە ئۇلارنىڭ سوقۇشۇشى ئىنتايىن نورمال ھادىسە ھېسابلىنىدۇ. ئەگەر ئۇلار ئۆزئارا پىكىرلىشىشنى چوڭقۇرلاشتۇرسا، «بىر گەۋدە» لىشىشكە قاراپ تەرەققىي قىلالايدۇ ھەم خىزمەتتە، ھەم تۇرمۇشتا مۇۋەپپەقىيەت قازىنالايدۇ.

  «بەختلىك ئائىلىنىڭ سىرى» ناملىق كىتابتىن ئېلىندى

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • «ئەسلىي مەقسەتنى ئۇنتۇماي، بۇرچنى ئېسىمىزدە مەڭگۈ ساقلايلى» باش تېمىسىدىكى گۈزەل سەنئەت، ھۆسىنخەت ئەسەرلىرى كۆرگەزمىسى ئۆتكۈزۈلدى
  • گۈزەل سەيلىگاھ قۇمقاناس
  • ھەر مىللەت ئاھالە ئەمەلىي ھەرىكىتى ئارقىلىق مىللەتلەر ئىتتىپاقلىقى ئاكتىپ ئېنېرگىيەسىنى مۇجەسسەملىدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى