شىنخۇا تورى، ئۈرۈمچى، 9-دېكابىر تېلېگراممىسى: ھازىر يۈك ئاپتوموبىل شوپۇرلىرىمۇ يانفونىغا بىر خىل APP دېتالىنى چۈشۈرۈپ، سەپەر جەريانىدىكى تۈرلۈك چىقىملارنى تۆلىيەلەيدىغان بولدى.
يۈك ئاپتوموبىل شوپۇرى جۇ ئۇستام ئۇزۇن يولدا قاتنىغىلى 10 يىل بولدى. دوستلىرىدىن بۇ خىل APP دېتالىنىڭ قۇلايلىقىنى ئاڭلاپ، يانفونىغا چۈشۈرگەندىن كېيىن، يولدا ماي قاچىلاش، رېمونت قىلىش، سۇغۇرتا سېتىۋېلىش ۋە چاق ئالماشتۇرۇشتا ھەك تۆلەش قاتارلىق چىقىملارنىڭ ھەممىسىنى ئاسانلا تۆلىيەلەيدىغان بولدى. ئۇ مۇنداق دېدى: «دەۋرنىڭ تەرەققىياتى راستىنلا تېزكەن، بىز يۈك ئاپتوموبىل شوپۇرلىرىمۇ مودىغا يېتىشىپ، يانفون ئارقىلىق ھەق تۆلەپ يېنىمىزغا جىق نەق پۇل سالمايدىغان بولدۇق.
جۇ ئۇستام يانفونىغا چۈشۈرگەن ھەممىباب ئەقلىي ئىقتىدارلىق ئەشيا ئوبوروت سۇپىسى شىنجاڭدىكى تۇنجى يۈك ئاپتوموبىل شوپۇرلىرىغا مۇلازىمەت قىلىشنى ئاساس قىلغان سۇپا بولۇپ، نۆۋەتتە شىنجاڭدىكى 110 مىڭ يۈك ئاپتوموبىل شوپۇرى بۇ دېتالنى چۈشۈرۈپ ئىشلىتىشكە باشلىغان، ئۇنىڭدىن باشقا 2700 دىن ئارتۇق ئەشيا ئوبوروت شىركىتىمۇ بۇ سۇپىنى ئىشلىتىشكە باشلىغان. ئىگىلىنىشىچە، نۆۋەتتە بۇ سۇپا شىنجاڭنىڭ سىرتىدىمۇ ئىشلىتىلىشكە باشلىغان بولۇپ، خېشى كارىدورى ۋە G7 لىنىيەسىنى بويلىغان ماي قاچىلاش ۋە گاز قاچىلاش پونكىتلىرىدىمۇ بۇ مۇلازىمەت تۈرى ئېچىلغان، بۇنىڭ ئىش ئۈنۈمى تېز ھەم بىخەتەر بولغان.
