قوشماقلاشقان تۇغقانلار ئارا مېھرى-مۇھەببەتنى چىڭىتىپ، ئالاقىنى ئۇدا داۋاملاشتۇرۇش ئۈچۈن، سايباغ رايونلۇق كادىرلار ئىشلىرى ئىدارىسى مىللەتلەر ئىتتىپاقلىقىغا دائىر 100 ئائىلە زىياپىتى پائالىيىتى تەشكىللىدى. ھەر قايسى كادىر، ئىشچى-خىزمەتچىلەر قوشماقلاشقان تۇغقانلىرى بىلەن مەززىلىك تائاملارنى تەييارلاپ، بىر يەرگە جەم بولۇپ، ئۆز ئارا پاراڭلىشىپ، ئېسىل تاماقلارغا ئېغىز تەگدى.
شىنجاڭ تورى خەۋىرى: يېقىندا، ئۈرۈمچى شەھىرىنىڭ سايباغ رايونى خۇلاسىلەش- تەقدىرلەش يىغىنى ئېچىپ، پۈتكۈل رايوندىكى «مىللەتلەر ئىتتىپاقلىشىپ بىر ئائىلە كىشىلىرىدەك بولۇش» ۋە مىللەتلەر ئىتتىپاقلىقى دوستلۇق پائالىيىتىدىكى ئىلغار كوللېكتىپ، ئىلغار شەخسلەرنى مۇكاپاتلىدى.
ئىككى يىلغا يېقىن ۋاقىتتىن بۇيان بىر تۈركۈم مىللەتلەر ئىتتىپاقلىقى نەمۇنىچىلىرى، مىللەتلەر ئىتتىپاقلىقىنى ئاڭلىق قوغدايدىغان، مەسئۇلىيەتنى تولۇق ئادا قىلىدىغان، نەتىجىسى گەۋدىلىك، مۇقىملىقىنى قوغداش خىزمىتى ئۈچۈن پائال تۆھپە قوشقان ئىلغار كوللېكتىپ ۋە ئىلغار شەخسلەر بارلىققا كەلدى.
(جياڭ شياۋ فوتوسى)
