يەر شارى تورى خەۋىرى: 2017-يىلى 27-دېكابىر خەۋەر قىلىنىشىچە، ئامېرىكىنىڭ جەنۇبىي كارولىنا ئىشتاتىدىكى تەبىئەتكە قويۇۋېتىلگەن بىر كىچىك تىيىن 8 يىلدىن بۇيان ھەر كۈنى ئۆزىنى قۇتقۇزۇپ قالغان شاپائەتچىسىنى «يوقلاپ» تۇرغان. ئىككى بالىنىڭ ئانىسى بولغان بىرانتلىي خارىسون 2009-يىلى يارىلانغان كىچىك تىيىننى بايقاپ ئۆيىگە ئېلىپ كەتكەن. شۇنىڭدىن كېيىن ئۇ بۇ تىيىننى باشقا ئۈچ تىيىن بىلەن بىللە كۆڭۈل قويۇپ باققان. نەچچە ئايدىن كېيىن، بىرانتلىي بۇ تىيىنلارنى تەبىئەتتە قويۇپ بەرگەن ھەمدە بۇ تىيىنلارنى ئەمدى كۆرەلمەيمەن، دەپ ئويلىغان ئىدى. ھەيران قالارلىقى شۇكى، ھېلىقى يارىلانغان كىچىك تىيىن ھەر كۈنى كېلىپ بۇ ئائىلىنى «يوقلاپ» تۇرغان.
