ئىختىيارىي مۇخبىرىمىز ئابلىمىت بارات خەۋەر قىلىدۇ: ئاپتونوم رايونلۇق سودا – سانائەتچىلەر بىرلەشمىسى پارتىيە 19 – قۇرۇلتىيىنىڭ روھىنى ئىزچىللاشتۇرۇش، جەنۇبىي شىنجاڭنىڭ نامراتلىقتىن قۇتۇلدۇرۇش ئۆتكىلىگە ھۇجۇم قىلىش چاقىرىقىغا ئاۋاز قوشۇش مەقسىتىدە، يېقىندا مەخسۇس گۇرۇپپا تەشكىللەپ، پوسكام ناھىيەسىگە بېرىپ، ئاپتونوم رايونلۇق پارتكوم، خەلق ھۆكۈمىتى تەشەببۇس قىلغان تۈمەن كارخانا تۈمەن كەنتكە ياردەم بېرىش بويىچە مېھىر – شەپقەت يەتكۈزۈش پائالىيىتى ئۆتكۈزدى.
پائالىيەتتە، كارخانىچىلار ۋەكىللىرى بۇ ناھىيەنىڭ پوسكام يېزىسى ئۈژمە ئېرىق ۋە قۇتچى كەنتى، سەيلى يېزىسىنىڭ گۈلباغ كەنتى، ئىككىسۇ يېزىسىنىڭ توپىچا ۋە تۆۋەنچاقا كەنتلىرىگە بېرىپ، قىيىنچىلىقى بار كەنت ئاھالىلىرى بىلەن سىردىشىپ، ئۇلارنىڭ تۇرمۇش، ئىشلەپچىقىرىش ئەھۋالىنى ئىگىلەپ، ئۇلارنى ماددىي بۇيۇم بىلەن يوقلىدى. ئۇلار يەنە كەنتتىكىلەرگە 50 مىڭ يۈەن ياردەم قىلدى.