يەر شارى تورى خەۋىرى: ئېنگلىزچىدە «قېرى ئىت يېڭى قىلىق چىقىرالماس» دەيدىغان بىر ماقال-تەمسىل بار، ئەمما كانادانىڭ ئالبېرتا ئىشتاتىدا تۇرۇشلۇق پات لاڭنېرنىڭ ئەرمەك ئىتى توبى بۇ ماقال-تەمسىلگە ھەرگىزمۇ چۈشمەيدۇ، چۈنكى توبىنىڭ «تەڭپۇڭلۇق ساقلاش ماھارىتى» ناھايىتى قالتىس بولۇپ، ئۇ بۇ ئارقىلىق كىشىلەرنىڭ قېرى ئىتلارغا بولغان كۆز قارىشىنى ئۆزگەرتكەن. توبى بېشىغا تەڭپۇڭلۇق توپى، كاۋا، مىلاد دەرىخى، ئۈزۈم پېلىكى، تاشپاقا قاتارلىق خىلمۇخىل نەرسىلەرنى تۇرغۇزالايدىغان بولۇپ، ئۇنىڭ بۇ «تەڭپۇڭلۇق ساقلاش ماھارىتى» كىشىلەرگە خۇشاللىق ئاتا قىلغان.
