يەر شارى تورى خەۋىرى: ئامېرىكىنىڭ تېكساس ئىشتاتى ئاۋستىن شەھىرىدە كۆلىمى 5500 كىۋادرات ئېنگلىز چىسى (تەخمىنەن 511 كىۋادرات مېتىر) كېلىدىغان ئوتتۇرا ئەسىر باش تېمىسىدىكى بىر داچا بولۇپ، بۇ داچا ئاجايىپ ھەشەمەت ۋە نەپىس ئىكەن. بۇ داچا 2012-يىلى ئامېرىكا رادىيو شىركىتى «خەيرلىك سەھەر، ئامېرىكا» پىروگراممىسى ئۇيۇشتۇرغان ئولتۇراق ئۆيلەرنى باھالاش مۇسابىقىسىدە ئىككىنچىلىككە ئېرىشكەن. نۆۋەتتە، بۇ داچا 2 مىليون 200 مىڭ دوللار (تەخمىنەن 15 مىليون 150 مىڭ يۈەن) غا سېتىلماقچى ئىكەن.
ئىگىلىنىشىچە، 1992-يىلى ئىككى سەنئەتكار بۇ كاتتا تۇرالغۇنى سېتىۋالغان بولۇپ، ئۇلار سەنئەت تالانتىنى جارى قىلدۇرۇش ئارقىلىق، بۇنى ئوتتۇرا ئەسىر ئۇسلۇبىدىكى ھەشەمەتلىك داچىغا ئۆزگەرتكەن. بۇ داچىدا تۆت ھۇجرا، تۆت مۇنچا، 14-ئەسىر ئۇسلۇبىدا ياسالغان تاش ئۆي، گۈللۈك ۋە سۇ ئۈزۈش كۆلچىكى بولۇپ، بۇ يەرگە كىرگەن كىشى ئۆزىنى خۇددى «ھوقۇق ئۇيۇنى» دۇنياسىغا كىرىپ قالغاندەك ھېس قىلىدىكەن.