ئۈرۈمچى ناھىيەلىك يېزا ئىگىلىك مەھسۇلاتلىرىنىڭ سۈپەت بىخەتەرلىكىنى تەكشۈرۈش مەركىزىنىڭ ئومۇملاشتۇرۇش تەتقىقاتچىسى خې فېڭ (سولدىن ئىككىنچى كىشى) 6-دېكابىر ئۈرۈمچى ناھىيەسى شۈيشىگۇ بازىرى جاتەن كەنتى 2 -ئەترىتىدىكى پارنىكتا كەنت ئاھالىلىرىنى ئىلمىي تېرىقچىلىق تېخنىكىسى بويىچە يېتەكلىدى.
شىنخۇا تورى خەۋىرى: دېكابىردا ئۈرۈمچى ناھىيەسىگە كەلسىڭىز، ئاپئاق سۇلياۋ يوپۇقلار بىلەن ئورالغان چوڭ-چوڭ پارنىكلار كۆزىڭىزگە ئالاھىدە چېلىقىدۇ. مۆلچەرلىنىشىچە، كېلەر ئايدىن باشلاپ، بۇ ناھىيەدىكى 11 مىڭ مو پارنىكتا تېرىلغان 20 خىلغا يېقىن كۆكتات ئارقا-ئارقىدىن بازارغا كىرىدىكەن.
ئىگىلىنىشىچە، بۇ ناھىيەدىكى پارنىكلاردا يېتىشتۈرۈلگەن كۆكتاتلار يىللاردىكىدىن ئوخشىغان بولۇپ، «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمىتى بويىچە ھەرقايسى كەنتلەردە تۇرۇشلۇق خىزمەت گۇرۇپپىلىرى كەنت ئاھالىلىرىگە تەربىيەلەش كۇرسى ئېچىپ بېرىپ ھەمدە يېزا ئىگىلىك تارماقلىرىدىن تېخنىكا مۇلازىمەت گۇرۇپپىلىرىنى ئېتىز بېشىدا دېھقانلارنى ئىلمىي تېرىقچىلىق بويىچە يېتەكلەشكە ئورۇنلاشتۇرۇپ، دېھقانلارنىڭ كىرىمىنى ئاشۇرۇشىغا يېشىل يول ئېچىپ بەرگەن.