يەرشارى تورى خەۋىرى: چەت ئەل تاراتقۇلىرىنىڭ 30-نويابىر خەۋەر قىلىشىچە، ئەنگلىيە ھۆكۈمىتى ئەنگىلىيەنىڭ ئوتتۇرا قىسمىدىكى غەربىي مېدلاندىس ۋىلايىتىدە يېڭى ئاپتوموبىل باتارېيەسى ياساش مەركىزى قۇرۇشنى پىلانلىغان. ئەنگىلىيە ھۆكۈمىتى بىلەن شىركەتلەر بۇ پۇرسەتتە يەرلىكتە توكلۇق ئاپتوموبىل باتارېيەسىنىڭ كەڭ كۆلەمدە ئىشلەپچىقىرىلىشىنى ئىلگىرى سۈرىدىكەن.
ئەنگىلىيە ئەڭ يېڭى باتارېيە تېخنىكىسىنى تەرەققىي قىلدۇرۇشقا 80 مىليون فوندستېرلىڭ ئاجرىتىپ، باتارېيە پىششىقلاپ ئىشلەشنىڭ ئەڭ يېڭى تېخنىكىسىغا ئىشلىتىدىكەن. ئەنگلىيە سودا ۋەزىرىنىڭ ئېيتىشىچە، مەزكۇر باتارېيە مەركىزى ئەنگلىيەنىڭ بۇ ساھەدىكى خەلقئارا رىقابەت كۈچىنى ئاشۇرىدىكەن.
بۇ ياساش مەركىزى خۇاۋېي ئۇنىۋېرسىتېتى ياساش گۇرۇھى بىلەن ھەمكارلىق مۇناسىۋىتى ئورناتقان. ئابۇنىچىلارنىڭ كۈندىن-كۈنىگە ئېشىۋاتقان ئېھتىياجىنى قاندۇرۇپ، ھاۋا سۈپەت نىشانىغا يەتكۈزۈش ئۈچۈن، ئاپتوموبىل ياساش سودىگەرلىرى مۇھىت ئاسراش ئىقتىدارى تېخىمۇ كۈچلۈك ئاپتوموبىل ياساش توغرىسىدا ئۆزئارا رىقابەتلىشىۋاتقان بولۇپ، ئەنگلىيەنىڭ ياساش ئىقتىدارى يېتىشمىگەنلىكتىن، ھۆكۈمەت ياساش ساھەسىدە يېڭىلىق يارىتىشنى ئۈمىد قىلىدىكەن.