ئۆز خەۋىرىمىز: شىنجاڭ ئۇيغۇر ئاپتونوم رايونىنىڭ تەكلىپلىك تۈزۈمدە مەمۇر قوبۇل قىلىش خىزمىتى 21-نويابىر رەسمىي باشلاندى، ئاپتونوم رايونلۇق گېئولوگىيەلىك كان بايلىقلىرى ئىدارىسى، ئۈرۈمچى شەھىرى دۆلەتلىك يۇقىرى، يېڭى تېخنىكىلىق كەسىپلەر تەرەققىيات رايونى (يېڭىشەھەر رايونى)، سانجى دۆلەتلىك يېزا ئىگىلىك پەن-تەتقىقات باغچىسىنى باشقۇرۇش كومىتېتى سىناق نۇقتا ئىدارىسى سۈپىتىدە جەمئىيەتتىن تەكلىپلىك تۈزۈمدىكى مەمۇردىن توققۇزنى ئاشكارا قوبۇل قىلىدۇ.
تونۇشتۇرۇلۇشىچە، بۇ قېتىملىق تەكلىپلىك تۈزۈمدىكى مەمۇرلارنى قوبۇل قىلىش تىزىملاش ۋاقتى 20-نويابىردىن 30-نويابىرغىچە بولۇپ، 30-دېكابىردىن بۇرۇن ئىمتىھان ئېلىنىپ، سالامەتلىك تەكشۈرۈش، ئومۇمىي جەھەتتىن تەكشۈرۈش خىزمىتى ئىشلىنىدىكەن، 2018-يىلىنىڭ بېشىدا تەكلىپ قىلىنغانلار توختامغا ئىمزا قويسا بولىدىكەن.
بۇ قېتىم مەملىكەت بويىچە تەكلىپلىك تۈزۈمدىكى مەمۇرلار قوبۇل قىلىنىدىغان بولۇپ، ئوقۇغۇچىلار شىنجاڭ كادىرلار ئىمتىھان مەركىزى تورى (http://www.xjrsks.com.cn) ئارقىلىق ئىمتىھانغا تىزىملاتسا بولىدىكەن. تەكلىپلىك تۈزۈمدىكى مەمۇر قوبۇل قىلىش ئۇقتۇرۇشى، كەسىپلەر جەدىۋىلى ئاساسلىقى ئادەم كۈچى بايلىقى ۋە ئىجتىمائىي كاپالەت نازارىتى تورى (http://www.xjrs.gov.cn)، شىنجاڭ پارتىيە قۇرۇلۇشى تورى (http://www.xjkunlun.cn)، شىنجاڭ كادىرلار ئىمتىھان مەركىزى تورى (http://www.xjrsks.com.cn)، شىنجاڭ ئادەم كۈچى بايلىقى ۋە ئىجتىمائىي كاپالەت ئۈندىدار سالونىدا ئېلان قىلىنىدىكەن.
