خىزمەت ئەترىتىدىكىلەر كۆكتات پەرۋىش قىلماقتا.
ئىختىيارىي مۇخبىرىمىز پولات نىياز خەۋىرى، فوتوسى: چەرچەن ناھىيەسىنىڭ قۇراملىق يېزىسى ئاقيار كەنتى قارا قۇرۇم باغرىدىكى دېڭىز يۈزىدىن تەخمىنەن 3000 مېتىر ئېگىزلىكتىكى تاغلىق كەنت بولۇپ، بۇ كەنتتىكىلەر تارىختىن بۇيان پارنىكتا كۆكتات تېرىمايتتى، كۆكتاتنى 86 كىلومېتىر يىراقلىقتىكى ناھىيە بازىرىدىن ئېلىپ چىقاتتى. چەرچەن ناھىيەلىك سوت مەھكىمىسىدىن بۇ كەنتكە چۈشكەن خىزمەت ئەترىتىدىكى كادىرلار بۇ يىل 200 كىۋادرات مېتىر كۆلەمدە پارنىك ياساپ، يېسىۋېلەك، كەرەپشە، مۇچ، شوخلا قاتارلىق كۆكتاتلارنى تېرىپ، تېخنىكىلىق باشقۇرۇپ، ئالغان ھوسۇللىرىنى كەنتتىكى چارۋىچىلارغا ھەقسىز تارقىتىپ بەردى.