قۇرما يېزىسىنىڭ زۇلقۇم كەنتى پارتىيە ياچېيكىسىنىڭ شۇجىسى نەن چاڭلۇ ئائىلە زىيارىتىدە ئاممىغا قۇرۇلتاي روھىنى يەتكۈزمەكتە.
ئىختىيارىي مۇخبىرىمىز ئابدۇرېھىم تۇرسۇن خەۋىرى، فوتوسى: پارتىيە 19-قۇرۇلتىيى مۇۋەپپەقىيەتلىك يېپىلغاندىن بۇيان، مەكىت ناھىيەسىنىڭ قۇرما يېزىسىدىكى ھەر مىللەت ئامما ئارىسىدا پارتىيە 19-قۇرۇلتىيىنىڭ روھىنى ئۆگىنىش، تەشۋىق قىلىش ۋە ئىزچىللاشتۇرۇش يۇقىرى دولقۇنى كۆتۈرۈلدى. بۇ يېزىدىكى ھەر قايسى كەنتلەرنىڭ كادىرلىرى ۋە خىزمەت ئەترىتىدىكى كادىرلار ئامما ئارىسىغا چوڭقۇر چۆكۈپ، تۈرلۈك تەشۋىقات ئۇسۇللىرىدىن پايدىلىنىپ، قۇرۇلتاي روھىنى تەشۋىق قىلدى. ھەرمىللەت ئاممىنىڭ پارتىيەگە مىننەتدارلىق بىلدۈرۈش، پارتىيەنىڭ گېپىنى ئاڭلاش، پارتىيەگە ئەگىشىپ مېڭىش ئىرادىسىىنىڭ تېخىمۇ كۈچىيىشىگە ئاساس سېلىندى.
