يەرشارى تورى خەۋىرى: رۇسىيە تاراتقۇلىرىنىڭ خەۋىرىگە قارىغاندا، ئامېرىكا دۆلەتلىك ئاۋىئاتسىيە ۋە ئالەم قاتنىشى ئىدارىسىنىڭ مۇتەخەسسىسلىرى يېقىندا ئېغىرلىقى تەخمىنەن 1 تىرىليون توننا كېلىدىغان چوڭ بىر مۇز تاغنىڭ مۇزلۇقتىن ئايرىلغانلىقىنى بايقىغان، بۇ ھازىرغىچە بايقالغان مۇشۇنداق ھەجىمدىكى ئۈچىنچى مۇز تاغ ئىكەن.
بوشلۇقتىن تارتىلغان سۈرەتتىن كۆرۈنۈپ تۇرىدىكى، بۇ چوڭ تىپتىكى مۇز تاغنىڭ كۆلىمى ئىنتايىن چوڭ بولۇپ، 5800 كىۋادىرات مېتىرغا يېتىدىكەن. بۇ دەرىجىدىن تاشقىرى چوڭ مۇز تاغ مۇتەخەسسىسلەرنى ھەيران قالدۇرۇپلا قالماي، يەنە ماتروسلارنىمۇ چۆچۈتكەن. چۈنكى بۇ مۇز تاغنىڭ قېلىنلىقى 190 مېتىردىن ئاشىدىغان بولۇپ، سۇ يۈزىدىكى ئېگىزلىكىلا 30 مېتىر يەتكەن، بۇ ئېگىزلىك ئوتتۇراھال چوڭلۇقتىكى پاراخوتلارنىڭ بۇ مۇز تاغنىڭ مەلۇم قىسمىغا سوقۇلۇپ كەتسىلا چۆكۈپ كېتىدىغانلىقىدىن دېرەك بېرىدۇ.
ئالىملارنىڭ ئېيتىشىچە، بۇ مۇز تاغنى تارىختىن بۇيانقى ئەڭ چوڭ مۇز تاغ، دېيىشكە بولىدىكەن.