خەلق تورى خەۋىرى: 2017-يىللىق چىڭداۋ دېڭىز ئۈستى خەلقئارا مارافونچە يۈگۈرۈش مۇسابىقىسى 19-نويابىر جياۋجۇ قولتۇقى دېڭىز ھالقىغان چوڭ كۆۋرۈكىدە باشلاندى، 20دىن كۆپ دۆلەت ۋە رايوندىن كەلگەن 15مىڭ تەنھەرىكەتچى بۇ قېتىمقى مۇسابىقىگە قاتناشتى. كەسكىن رىقابەتلىشىش نەتىجىسىدە A0381 نومۇرلۇق ماھىر جاڭ دېچېڭ 2 سائەت 31 مىنۇت 06 سىكۇنتلۇق نەتىجە بىلەن پۈتۈن مۇساپە ئەرلەر گۇرۇپپىسى بويىچە چېمپىيۇن بولدى.
ئىگىلىنىشىچە، دېڭىز ئۈستى مارافونچە يۈگۈرۈش مۇسابىقىسى چىڭداۋنىڭ بۇ يىل ئىچىدە 2017-يىللىق چىڭداۋ . غەربىي دېڭىز قىرغىقى كېچە خەلقئارا مارافونچە يۈگۈرۈش مۇسابىقىسى، 2017 ـ يىللىق چىڭداۋ جياڭشەن سۇلۇ يەر خەلقئارا مارافونچە يۈگۈرۈش مۇسابىقىسى، خەيئېر 2017 ـ يىللىق چىڭداۋ مارافونچە يۈگۈرۈش مۇسابىقىسىدىن كېيىن ئۆتكۈزگەن 4-قېتىملىق پۈتۈن مۇساپىلىك مارافونچە يۈگۈرۈش مۇسابىقىسى، شۇنداقلا دېڭىز ھالقىغان كۆۋرۈكتە ئۆتكۈزۈلگەن دۇنيا بويىچە بىردىنبىر مارافونچە يۈگۈرۈش مۇسابىقىسى ھېسابلىنىدۇ.