ئامېرىكا ئالىملىرى يېقىندا ئېلان قىلغان بىر تەتقىقات نەتىجىسىدە كۆرسىتىلىشىچە، چاشقانغا ئوخشىمىغان مىقداردا تۇز يېگۈزۈلگەندە چاشقاننىڭ يېتىلىشى تەسىرىگە ئۇچرىغان. تۇز يېتىلىشتە زۆرۈر بولسىمۇ، زىيادە كۆپ بولۇپ كەتسە جانلىقلارنىڭ كۆپىيىش ئىقتىدارىغا تەسىر يەتكۈزىدىكەن، يەنى بالىلاردا بالاغەتكە كېچىكىپرەك يېتىدىكەن، كۆپىيىش ئىقتىدارى ئاجىزلايدىكەن. ياغ مىقدارى يۇقىرى بولغان يېمەكلىكلەر بالىلارنىڭ بالاغەتكە يېتىشنى تېزلىتىدىكەن، بىراق ياغ مىقدارى يۇقىرى يېمەكلىكلەر زىيادە تۇزلۇق بولۇپ كەتسىمۇ، بالىلارنىڭ بالاغەتكە يېتىشىگە ئوخشاشلا تەسىر كۆرسىتىدىكەن.
