ئۈرۈمچى شەھەرلىك ئىنتىزام تەكشۈرۈش كومىتېتىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمىتى بويىچە باخۇلياڭ مەھەللە كومىتېتىدا تۇرۇشلۇق خىزمەت ئەترىتى خىزمەتچىسى 16-نويابىر سائەت 11:22 ئۆتكەندە تىيانشان رايونى يەنئەن يولىدا يولدىن ئۆتۈۋاتقان ياشانغانلار ۋە بالىلارغا كۈنلۈك تۇتۇپ، ئۇلارنى يولدىن ئۆتكۈزۈپ قويدى.
شىنجاڭ تورى خەۋىرى: 16-نويابىر ئۈرۈمچىدە قار ياغدى، بۇ يىلنىڭ كېيىنكى يېرىمىدىن بۇيان دەل-دەرەخلەر تۇنجى قېتىم قار بىلەن قاپلاندى. شەھەر رايونىدا يىغىندى قار مىقدارى سائەت 16:00 گىچە 4.8 مىللىلىمىتىر بولۇپ، ئەڭ تۆۋەن تېمپېراتۇرا 0.7ـ سېلسىيە گىرادۇسقا چۈشتى. ئۈرۈمچى شەھەرلىك ئىنتىزام تەكشۈرۈش كومىتېتىنىڭ «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمىتى بويىچە ئىتتىپاق يولى بۆلەك رايونىنىڭ باخۇلياڭ مەھەللە كومىتېتىدا تۇرۇشلۇق خىزمەت ئەترىتى ۋە باخۇلياڭ مەھەللە كومىتېتى پىيادىلەرنىڭ يول يۈرۈشىگە قولايلىق يارىتىش ئۈچۈن «قار ياغقاندا سىزگە ياردەم قىلاي» تېمىسىدا پائالىيەت قانات يايدۇردى، خىزمەتچى خادىملار ۋە پىدائىيلار كوچىلارغا چىقىپ، پىيادىلەرگە قىزغىن ياردەم بەردى.
(پىراكتىكانت زىلالە غالىب تەرجىمىسى)