ناشتا قىلماسلىق ئېغىز پۇراشنىڭ يەنە بىر سەۋەبى بولسا كېرەك، چۈنكى شۆلگەينىڭ ئېغىز بوشلىقىنى تازىلاش رولى بار، ئەمما بىر كېچە ئۇخلىغان ئادەمنىڭ شۆلگىيى ئازىيىپ كېتىدۇ، بىراق ناشتا قىلسا بەدەننىڭ شۆلگەي ئاجرىتىش ئىقتىدارىنى يۇقىرى كۆتۈرگىلى بولىدۇ.
ھەرىكەت چەكتىن ئېشىپ كېتىش، قەھۋە ياكى ھاراقنى كۆپ ئىچىشمۇ شۆلگەينىڭ ئاجرىلىشىغا توسقۇنلۇق قىلىدۇ، بۇنىڭ بىلەن ئېغىزدا تۈرلۈك باكتېرىيەلەر كۆپىيىدۇ-دە، ئېغىز پۇرايدىغان بولۇپ قالىدۇ. ئېغىز پۇراشنىڭ ئالدىنى ئالىدىغان ئەڭ ئۈنۈملۈك ئۇسۇل، ئېغىز بوشلۇقىنى پاكىز تۇتۇش، دائىم چىشىنى چوتكىلاپ يۇيۇش، شۇنداقلا چىشىنى چوتكىلىغاندا تىلىنىمۇ قوشۇپ چوتكىلاش كېرەك، چۈنكى تىلدا باكتېرىيەلەر يوشۇرۇنالايدىغان نۇرغۇن يېرىقچىلار بار.
«ئۈرۈمچى كەچلىك گېزىتى»دىن ئېلىندى