9-نويابىر، ئونسۇدىن جىنخۇا شەھىرىگە مېۋە-چېۋە يۆتكەيدىغان ئاپتوموبىللارنىڭ يولغا چىقىش مۇراسىمى
ئىختىيارىي مۇخبىرىمىز مۇتەللىپ ئابدۇراھمان، ئەركىن سىدىق خەۋىرى، فوتوسى: ئونسۇ ناھىيەسى يېزا ئىگىلىكىنىڭ كەسىپلىشىشىنى ئىلگىرى سۈرۈپ، «10شەھەردە 100دۇكان» قۇرۇلۇشىنى يولغا قويۇش بويىچە دېھقانلارنىڭ مېۋە-چېۋىلىرىنى سېتىپ چىقىرىشقا يېقىندىن ياردەم بەردى. بۇ ناھىيە ئۆزلىرىنى ساھەلەر بويىچە يۆلەپ كېلىۋاتقان جېجياڭ ئۆلكىسىنىڭ جىنخۇا شەھىرى بىلەن ئالاقىلىشىپ، 9-نويابىر 15يۈك ئاپتوموبىلدىكى 450 توننا ئالما، ياڭاق، چىلان، نەشپۈتنى جىنخۇا شەھىرىگە يولغا سالدى.
