تەڭرىتاغ تورى   ›   خەۋەر مەركىزى   ›   مۇھىم خەۋەر

شى جىنپىڭ داناڭدىن ئايرىلىپ خانويغا كېلىپ ۋىيېتنامدىكى دۆلەت ئىشلىرى زىيارىتىنى باشلىدى

  شىنخۇا ئاگېنتلىقى، خانوي، 11 – ئاينىڭ 12 – كۈنى تېلېگراممىسى. ج ك پ مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ 11 – ئاينىڭ 12 – كۈنى خانويغا يېتىپ بېرىپ، ۋىيېتنام سوتسىيالىستىك جۇمھۇرىيىتىدىكى دۆلەت ئىشلىرى زىيارىتىنى باشلىدى.

  شۇ جاي ۋاقتى چۈشتىن بۇرۇن سائەت 11دىن 10 مىنۇت ئۆتكەندە شى جىنپىڭ ئولتۇرغان مەخسۇس ئايروپىلان خانوي خەلقئارا ئايروپورتىغا قوندى. شى جىنپىڭ ئايروپىلان بۆلۈمىدىن چىققاندا، ۋىيېتنام كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ دائىمىي شۇجىسى، مەركىزىي تەكشۈرۈش كومىتېتىنىڭ مۇدىرى چېن گوۋاڭ قاتارلىقلار ئايروپىلان شوتىسى يېنىدا تۇرۇپ كۈتۈۋالدى. ۋىيېتناملىق ياشلار شى جىنپىڭغا گۈل تەقدىم قىلدى. ھۆرمەت قاراۋۇلى قىزىل پاياندازنىڭ ئىككى تەرىپىدە تۇردى. بايراملىق كىيىملىرىنى كىيگەن ۋىيېتنام ئاممىسى جۇڭگو – ۋىيېتنام ئىككى دۆلەتنىڭ دۆلەت بايرىقىنى پۇلاڭلىتىپ شى جىنپىڭنى قارشى ئالدى.

  دىڭ شۆشياڭ، ليۇ خې، ياڭ جيېچى قاتارلىق ھەمراھ بولۇپ بارغانلارمۇ شۇ ئايروپىلاندا يېتىپ كەلدى.

  شى جىنپىڭ داناڭدا ئاسىيا – تىنچ ئوكيان ئىقتىسادىي ھەمكارلىق تەشكىلاتىنىڭ 25 – قېتىملىق رەھبەرلەر بىرەسمىي يىغىنىغا قاتناشقاندىن كېيىن، خانويغا يېتىپ باردى. داناڭدىن ئايرىلغاندا ۋىيېتنام ھۆكۈمىتىنىڭ باش مىنىستىرى قاتارلىق يۇقىرى دەرىجىلىك ئەمەلدارلار، شياڭگاڭ ئالاھىدە مەمۇرىي رايونىنىڭ باش مەمۇرى لىنجېڭ يۆئې ئايروپورتقا چىقىپ ئۇزىتىپ قويدى.

مەسئۇل مۇھەررىر : ئامانگۈل ئابدۇراخمان

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • شىنجاڭ ئاياللار ۋاسكېتبول كوماندىسى 71گە قارشى 84نومۇر بىلەن سىچۈەن كوماندىسىنى يېڭىپ، مۇشۇ مۇسابىقە پەسلىدىكى تۇنجى مۇۋەپپەقىيەتنى قولغا كەلتۈردى
  • ئاپتونوم رايوننىڭ تەشۋىقات ئۆمىكى كۇچادا پارتىيە 19-قۇرۇلتىيى روھىدىن لېكسىيە سۆزلىدى
  • ئۈرۈمچىدىن تاشكەنتكە بىۋاستە قاتنايدىغان تۇنجى يۈك پويىزى يولغا چىقتى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى